उच्च अदालत तुलसीपुर नेपालगन्ज इजलासका न्यायाधीशहरुद्वरा ७ दिनको तलब कोरोना राहत कोषमा

समाचार

गृहपृष्ठ
समाचार
उच्च अदालत तुलसीपुर नेपालगन्ज इजलासका न्यायाधीशहरुद्वरा ७ दिनको तलब कोरोना राहत कोषमा

उच्च अदालत तुलसीपुर नेपालगन्ज इजलासका न्यायाधीशहरुद्वरा ७ दिनको तलब कोरोना राहत कोषमा

शुक्रबार, चैत २८, २०७६ बागेश्वरी पोस्ट

नेपालगन्ज । बिश्व अहिले कोरोना महामारीबाट ग्रसित छ। बिश्वभर ९५ हजार भन्दा बढीको कोरोना संक्रमणबाट मृत्यु समेत भइसकेको छ।

कोरोना संक्रमण फैलिन नदिन बिश्व नै लकडाउन भएको छ। त्यस्तै नेपालमा पनि कोरोना संक्रमण फैलन नदिन सरकारले देश नै लकडाउन गरेको छ।

देशमा कोरोना उपचार तथा नियन्त्रणका लागि सरकारले उपचार कोष समेत खडा गरेको छ। सबैले आ-आफ्नो तरिकाले सहयोग गर्दै आएका छन् । कोरोना उपचार कोषमा पनि उच्च अदालत तुलसीपुर नेपालगन्ज इजलासका न्यायाधीशहरुले समेत कोषमा आफ्नो पारिश्रमिक सहयोग गर्ने घोषणा गरेका छन् ।

उच्च अदालत तुलसीपुर नेपालगन्ज इजलासका न्यायाधीशहरूले सात दिनको पारिश्रमिक दिने भएको उच्च अदालतका मुख्य न्यायाधीश पवन कुमार शर्माले बताए। त्यस्तै मुख्य न्यायाधीश शर्माका अनुसार रजिस्ट्रारको ५ दिन बराबरको र अधिकृत र अन्य कर्मचारीहरुको ३ दिनको पारिश्रमिक सहयोग गरिने भएको छ।

यस्तो आपतकालीन समयमा सबैले आफुले सक्ने सहयोग गर्नुपर्ने न्यायाधीश शर्माले बताए।हाल उच्च अदालत तुलसीपुर नेपालगन्ज इजलासमा पाँच जना न्यायाधीश गरि ५७ जना कर्मचारीहरु कार्यरत रहेका छन् ।

प्रकाशित मिति: शुक्रबार, चैत २८, २०७६ १४:०८

प्रतिक्रिया दिनुहोस्