तीन जना भारतीय नागरिक कोरोना भाइरसबाट संक्रमित भएको पुष्टि

समाचार

गृहपृष्ठ
समाचार
तीन जना भारतीय नागरिक कोरोना भाइरसबाट संक्रमित भएको पुष्टि

तीन जना भारतीय नागरिक कोरोना भाइरसबाट संक्रमित भएको पुष्टि

आइतबार, चैत ३०, २०७६ बागेश्वरी पोस्ट

नेपालगन्ज । पर्साको वीरगञ्जमा तीन जना भारतीय नागरिकमा कोरोना संक्रमण पुष्टि भएको छ । हेटौंडाको कोरोना ल्याबमा कोरोना भाइरस परीक्षण पोजिटिभ देखिएपछि पुनः परीक्षणका लागि राष्ट्रिय प्रयोगशाला काठमाडौँमा परीक्षण गर्दा पनि पोजिटिभ आएको पुष्टि भएको छ । राष्ट्रिय जनस्वास्थ्य प्रयोगशाला टेकुमा उनीहरुको नमुना परीक्षण गर्दा कोरोना संक्रमण पोजेटिभ देखिएको पुष्टि भएको हो ।

बिहीबार भारतबाट आएका २४ जनासहित ३३ जनाको नमुना संकलन गरिएको थियो र परीक्षणका लागि हेटौंडा प्रयोगशाला पठाइएको थियो ।

संक्रमण पुष्टि भएकामध्ये २ जना उत्तरप्रदेश र एक जना दिल्लीमा बस्दै आएका थिए । उनीहरु १३ दिनदेखि वीरगञ्ज–२ छपकैयास्थित जामे मस्जिदमा आएको स्थानीयले बताएका छन् ।

सप्तरीमा आयोजित मुस्लिम धार्मिक सभामा सहभागी हुन आएका उनीहरु त्यही बेलादेखि भारत फर्केका छैनन् । मार्च ४ तारिकमा रिटर्न ट्रेन टिकेट भए पनि लकडाउनका कारण उनीहरु रोकिएका थिए ।

लकडाउन खुलेपछि घर फर्कन भनी उनीहरुले १५ अप्रिलका लागि टिकट काटेका छन् । घर फर्कनुअघि एकपटक स्वास्थ्य जाँच गराउनु उपयुक्त सम्झेर उनीहरु आफैं नारायणी अस्पतालमा पुगेको मस्जिदका मौलाना अलि असगरले बताए । तीनजनामा कोरोना संक्रमण देखिएपछि उच्च सतर्कता अपनाइएको छ ।

प्रकाशित मिति: आइतबार, चैत ३०, २०७६ १०:३४

प्रतिक्रिया दिनुहोस्