सद्भाव ग्रुपले नेपालगञ्जका ४० जना पत्रकारलाई बाड्यो एन ९५ मास्क

समाचार

गृहपृष्ठ
समाचार
सद्भाव ग्रुपले नेपालगञ्जका ४० जना पत्रकारलाई बाड्यो एन ९५ मास्क

सद्भाव ग्रुपले नेपालगञ्जका ४० जना पत्रकारलाई बाड्यो एन ९५ मास्क

आइतबार, चैत ३०, २०७६ बागेश्वरी पोस्ट

नेपालगञ्ज । कोरोना भाइरस संक्रमणको जोखिमलाई मध्यनजर गर्दै नेपालगञ्जमा रहेको सद्भाव ग्रुप प्रालिले मास्क वितरण गरेको छ ।

सद्भाव ग्रुप प्रालिका अध्यक्ष दामोदर भण्डारीले कोरोना संक्रमणको अवधिमा आफ्नो ज्यानलाई बाजी लगाएर फिल्ड रिर्पोटिङ्गमा खटिरहेका बाँकेका क्रियाशील पत्रकारलाई मास्क वितरण गरेको बताउनुभयो ।

उहाँका अनुसार २० हजार रुपैयाँको गुणस्तरीय एन–९५ मास्क वितरण गरिएको छ । बाँकेमा रहेर विभिन्न सञ्चार माध्यममा क्रियाशील ४० जना पत्रकारलाई प्रालिका अध्यक्ष भण्डारीले सद्भाव राष्ट्रिय दैनिकको कार्यालय परिसरबाट मास्क वितरण गर्नुभएको हो ।

कोरोना भाइरस संक्रमणको रिर्पोटिङ्गमा अहोरात्र खटिने पत्रकारको सुरक्षालाई मध्यनजर गर्दैै ग्रुपको लगानीमा मास्क वितरण गरिएको हो । सद्भाव ग्रुपका अध्यक्ष भण्डारीले भन्नुभयो-"मिडिया हाउस तथा पत्रकार महासंघ आफैं अग्रसर भएर पत्रकारका लागि केही गर्नुपर्ने अवस्थामा त्यसो नहुँदा हामीले अग्रसरता देखाएका हौं ।"

चिकित्सकका अनुसार एन–९५ मास्कले कोरोना भाइरस संक्रमणलाई शतप्रतिशत रोक्ने गर्दछ । कोरोना भाइरस संक्रमण रोकथामका लागि एक मात्र उपयुक्त एन–९५ मास्कले फिल्डमा अहोरात्र खटिने पत्रकारका लागि केही राहत हुने अध्यक्ष भण्डारीले विश्वास ब्यक्त गर्नुभयो।

सद्भाव ग्रुपका प्रबन्ध निर्देशक रवि कनोजियाले मास्क वितरणमा सहभागागी पत्रकारलाई स्वागत गर्नुभएको थियो । कोरोनाको जोखिममा अझैं पनि बाँके उत्तिकै देखिएको र यहाँका आम पत्रकारहरु दैनिक जोखिम मोलेर रिर्पोटिङमा जाने भएकोले उनीहरुको जोखिम केही हदसम्म कम गर्न ग्रुपले उक्त मास्क वितरण गरेको हो ।

अनलाइन, टेलिभिजन, रेडियो तथा पत्रपत्रिकाका क्रियाशील ती पत्रकारलाई एन–९५ मास्क प्रदान गरिएको हो । सद्भाव ग्रुप प्रालि अन्तर्गत् सद्भाव राष्ट्रिय दैनिक, रेडियो सद्भाव, सेतोखरी, सद्भाव प्रिटिङ्ग प्रेस र सद्भाव कलर हाउस रहेका छन् ।

प्रकाशित मिति: आइतबार, चैत ३०, २०७६ २०:५९

प्रतिक्रिया दिनुहोस्