राप्तीसोनारीको वडा नं ८ मा क्विक रेस्पोन्स टिम घर-घरमै पुर्यायो राहत,कसको चुलो बलेन भने मलाई फोन गर्नुहोस् :बस्नेत

समाचार

गृहपृष्ठ
समाचार
राप्तीसोनारीको वडा नं ८ मा क्विक रेस्पोन्स टिम घर-घरमै पुर्यायो राहत,कसको चुलो बलेन भने मलाई फोन गर्नुहोस् :बस्नेत

राप्तीसोनारीको वडा नं ८ मा क्विक रेस्पोन्स टिम घर-घरमै पुर्यायो राहत,कसको चुलो बलेन भने मलाई फोन गर्नुहोस् :बस्नेत

अध्यक्ष बस्नेतले दिए शुभकमना

सोमबार, वैशाख १, २०७७ बागेश्वरी पोस्ट

शमशेरगन्ज( बाँके )। बाँकेको राप्तीसोनारी गाउँपालिकामा क्विक रेस्पोन्स टिमले धमाधम राहत वितरण गर्दै छ।

गाउँपालिकाका सबै वडाले आफ्नो राहत वितरण कार्यलाई तिब्रता दिएका छन् ।यस्तै राप्तीसोनारीको वडा नम्बर ८ मा पनि वडा अध्यक्ष खुम बहादुर बस्नेतको क्विक रेस्पोन्स टिमको कमान्डले नयाँगाउँ, बालापुर र ओभरीका घर घरमै पुगेर राहत वितरण गरेको छ।

वडा कार्यालयले घरदैलो मार्फत बालापुर र नयाँगाउँका लकडाउन ज्याला मजदुरी गर्ने तथा बिपन्नको घरमा चुलो बल्न छोडेपछि अध्यक्ष बस्नेत आफै गएर पीडिलाई राहत बाँडेका छन् । क्विक रेस्पोन्स टिम गएर त्यस भेगका पीडितका घरमा जादा ११ परिवार एकदमै नाजुक अवस्था रहेको हुँदा हाम्रो टोलीले उनिहरुलाई तत्काल राहत सहयोग गरेको अध्यक्ष बस्नेतले भने।

क्विक रेस्पोन्स टिमले आफनै घरमा राहत सामाग्री घरदैलोमै ल्याएपछि पीडित परिवार अत्यन्तै खुसी भएको अध्यक्ष बस्नेतले जानकारी दिएका छन् ।

राप्तीसोनारी गाउँपालिकाले राहत सामाग्री ढिलो वितरण गरेर बिरोध भएपनि गाउँपालिकाले लकडाउनलाई मध्यनजर गर्दै उपयुक्त समयमा राहत वितरण गरेपछि सबैतिर प्रशंंसा चलेको छ। गाउँपालिकाले राहत वितरणमा राजनितीक दललाई समेत समितिमा राखेर नयाँ आयम कायम गरेको छ।

राहत वितरणमा अध्यक्ष बस्नेतसहित, राजनितीक दलका प्रतिनिधि,प्रहरी, रेडक्रस प्रतिनिधि लगायत पत्रकार क्विक रेस्पोन्स टिममा सामेल भएका छन् ।

अध्यक्ष बस्नेतको नयाँ बर्षको शुभकामना सन्देश-

नव वर्ष २०७७ सालको उपलक्ष्यमा देश, बिदेशमा रहनु भएका सम्पूर्ण नेपालीहरुमा सु-स्वास्थ्य दिर्घायु एवम उत्तरोत्तर प्रगतिको हार्दिक मंगलमय शुभकामना ब्यक्त गर्दछु I कोरोना भाइरस ( कोभिड 19 ) संक्रमणबाट आँफु पनि बचौं र अरुलाई पनि बचाउन लकडाउनको पुर्ण रुपले पालना गरौं । यो विशेष परस्थितिका कारण तपाई अनि तपाई को छरछिमेकमा कसैको चुलो बलेन हामिलाई खबर गर्नुहोस । हाम्रो QRT तपाईंको घर दैलोमै राहात लिएर पुग्नेछ । यो बिपत्तिको हामी सबै मिलेर सामना गरौं ।

खुम बहादुर बस्नेत

अध्यक्ष

वडा नम्बर ८

राप्तीसोनारी गाउँपालिका, अगैँँया, बाँके

प्रकाशित मिति: सोमबार, वैशाख १, २०७७ ०८:२६

प्रतिक्रिया दिनुहोस्