सशस्त्र प्रहरीलाई अध्यक्ष बेहनाले गरे २० थान'एसजी ९१' टर्च लाईट सहयोग

समाचार

गृहपृष्ठ
समाचार
सशस्त्र प्रहरीलाई अध्यक्ष बेहनाले गरे २० थान'एसजी ९१' टर्च लाईट सहयोग

सशस्त्र प्रहरीलाई अध्यक्ष बेहनाले गरे २० थान'एसजी ९१' टर्च लाईट सहयोग

सोमबार, वैशाख १, २०७७ बागेश्वरी पोस्ट

निलो ज्याकेटमा अध्यक्ष मो. सफिक बेहना

नेपालगन्ज ।नेपालगन्ज वडा नम्बर ४ का अध्यक्ष मो. सफिक बेहनाले बाँके स्थित सशस्त्र प्रहरीलाई एस जी ९१ टर्च लाईट सहयोग गरेका छन् ।

सरकारले कोरोना महामारीबाट बच्न गरेको लकडाउनमा सशस्त्र प्रहरी बल नम्बर ३० गण बागेश्वरी बाँकेले १०१ जना जवानलाई पछिल्लो समयमा विभिन्न सिमा नाकामा तैनाथ गरेको छ। रातमा समेत भारतबाट घुसपैथ गरेर जो कोहि पनि नेपाल छिर्न सक्ने भन्दै नेपाल भारत सिमामा सशस्त्र प्रहरीले पहरा दिइरहेको छ।

रातमा समेत देशको लागि अन्धकारमा गस्ती एबम सुरक्षा प्रदान गरिरहेको सशस्त्र प्रहरीलाई सुरक्षा प्रभावकारी बनाउन अध्यक्ष बेहनाले २० थान जी ९१ टर्च लाईट सहयोग गरेका हुन् । अध्यक्ष बेहनाले गणका सशस्त्र प्रहरी निरीक्षक प्रकाश रानालाई आज उक्त लाईट हस्तान्तरण गरेका हुन्।

रातीमा करिब २ किलोमीटर टाढाको दुरी सम्म देखिन मिल्ने उक्त लाईट सुरक्षाकर्मीले प्रयोग गर्ने गर्दछन।

'बाँकेबासी रातको समयमा मजासग उज्यालो घरमा बस्दा हाम्रा सशस्त्रका दाजुभाइ भने सिमामा अन्धकारमा बसेर कोरोना महामारीबाट बचाउन सुरक्षा दिदै गर्दा उहाँहरुको सहजताका लागि मैले आफ्नो तर्फबाट सानो सहयोग गरेको हो 'अध्यक्ष बेहनाले बताए।

अध्यक्ष बेहनाले आउने दिनमा पनि कोरोना भाइरस सग बचाउन रातदिन सिमामा अहोरात्र पहरा दिइरहेको सशस्त्र प्रहरीलाई अन्य आबश्यक सामाग्री समेत सहयोग गर्ने बताएका छन् ।

अध्यक्ष बेहनाले यति मात्रै होइन् , लकडाउनमा आफ्नो ब्यक्तिगत खर्चमा करिव ४ सय जना बिपन्न तथा ज्यालादारी गर्नेलाई राहत सामाग्री सहयोग गरेका छन् ।अध्यक्ष बेहना भन्छन् ,' आपतकालिन समयमा सहयोग गर्नु सबैको धर्म हो र मरेर आफू सगै पैसा लिएर जाने होइन्।'

प्रकाशित मिति: सोमबार, वैशाख १, २०७७ २२:३३

प्रतिक्रिया दिनुहोस्