बाँके दशगजामा बसेका सबैमा कोरोना नेगेटिभ

समाचार

गृहपृष्ठ
समाचार
बाँके दशगजामा बसेका सबैमा कोरोना नेगेटिभ

बाँके दशगजामा बसेका सबैमा कोरोना नेगेटिभ

बिहीबार, वैशाख ४, २०७७ बागेश्वरी पोस्ट

नेपालगन्ज, बैशाख ४ । लकडाउनकै समयमा भारतबाट नेपाल प्रवेश गरेर बाँकेको दशगजामा क्वारेन्टाइनमा बसेका सबै १ सय ८१ जनामा कोरोना नेगेटिभ देखिएको छ ।

आज र्यापिड डायग्नोष्टिक टेष्ट किटबाट परिक्षण गर्दा सबैको नेगेटिभ रिपोर्ट आएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो । सीमामा अलपत्र परेका उनीहरुलाई दशगजामै क्वारेन्टाइन बनाएर राखिएको थियो ।

उनीहरुलाई अब सम्बन्धित ठाउँमा पठाइने प्रमुख जिल्ला अधिकारी कुमार बहादुर खड्काले बताउनुभयो । यहाँ विभिन्न २५ जिल्लाका ब्यक्ति बसेका थिए । यो संगै जिल्लामा पिसिआर र आरडिटी विधिबाट अहिलेसम्म परिक्षण गरिएका सबै ४ सय ६० जनामा कोरोना नेगेटिभ देखिएको छ ।

स्वाब संकलन गरेर पिसिआर विधिबाट परिक्षण गरिएका ७६ जना र क्वारेन्टाइनमा बसेर १४ दिन पूरा गरेका ३ सय ८४ जनामा आरडिटी किटबाट कोरोमा परिक्षण गरिँदा रिपोर्ट नेगेटिभ आएको कोरोना फोकल पर्सन श्रेष्ठले बताउनुभयो ।

क्वारेन्टाइनमा बसेकाहरुको नमुना परिक्षणलाई तिब्रता दिइएको छ । बाँकेमा अब क्वारेन्टाइनमा १ सय २३ जना छन् । त्यस्तै जिल्लाका विभिन्न ३ अस्पतालको आइसोलेसनमा रहेका थप १५ जनाको स्वाब संकलन गरेर परिक्षणका लागि भैरहवा पठाइएको छ ।

प्रकाशित मिति: बिहीबार, वैशाख ४, २०७७ १२:५६

प्रतिक्रिया दिनुहोस्