लकडाउनमा बाँके नेविसंघद्वारा बृहत् रक्तदान

समाचार

गृहपृष्ठ
समाचार
लकडाउनमा बाँके नेविसंघद्वारा बृहत् रक्तदान

लकडाउनमा बाँके नेविसंघद्वारा बृहत् रक्तदान

शनिबार, वैशाख ६, २०७७ बागेश्वरी पोस्ट

नेपालगञ्ज। विश्वव्यापी महामारीको रुप लिएको कोभिड–१९ का क्रममा बाँके जिल्लामा रगतको अभाव हुन नदिन नेपाल रेडक्रस सोसाइटीले रक्तदान कार्यक्रम आयोजना गर्न आग्रह गर्दै आएको छ ।

कोरोना भाइरसका कारण रक्तदान गर्ने स्वयंसेवी र संस्थागत रक्तदाताको संख्यामा कमी आएको नेपाल रेडक्रस सोसाइटी रक्तसंचार सेवा केन्द्र नेपालगञ्जले जनाएको छ । उक्त आवश्यकतालाई पूर्ति गर्न नेपाल विद्यार्थी संघ बाँकेले आज नेपालगञ्ज र कोहलपुरमा एकसाथ बृहत् रक्तदान कार्यक्रमको आयोजना गरेको थियो ।

उक्त संघको ५१ औं स्थापना दिवसका अवसरमा नेविसंघका युवाहरूले मानव जीवन रक्षाका लागि नेपालगञ्ज र कोहलपुरमा रक्तदान गरेका हुन् । नेपाल रेडक्रस सोसाइटी रक्तसंचार सेवा केन्द्र नेपालगञ्ज र रक्तसंचार सेवा इकार्इ कोहलपुरमा आयोजित कार्यक्रममा १ सय ५९ जनाले रक्तदान गरेको रक्तसंचार सेवाले जनाएको छ । नेपालगञ्जमा ३१ र बाँकिले कोहलपुरमा रक्तदान गरेका हुन् ।

नेपालगञ्ज उपमहानगरपालिकाकी उपप्रमुख उमा थापा मगरले रक्तदान जस्तो महान् कार्यमा सरिक हुने सबैप्रति आभार व्यक्त गर्दै रेडक्रसले यस पूण्य कार्यमा युवाहरुसंग सधै सहकार्य गर्दै आएकोमा धन्यवाद व्यक्त गर्नुभयो ।

लकडाउनका क्रममा रगतको अभाव हुन नदिन हरेक स्वस्थ व्यक्तिलाई रक्तदान गर्न नेपाल रेडक्रस सोसाइटीले अपिल गरेको छ । रेडक्रस बाँकेका सभापति गोवद्र्धनसिंह सम्झनाले रगतको मागलाई पूरा गर्न हरसम्भव प्रयास गरिरहेको बताउनुभयो ।

नेपाल विद्यार्थी संघ बाँकेका अध्यक्ष पूर्ण आचार्यको नेतृत्वमा भएको बृहत् रक्तदान कार्यक्रममा नेविसंघका सदस्य, समाजसेवी, व्यापारी लगायतले रक्तदान गरेको बताइएको छ ।

प्रकाशित मिति: शनिबार, वैशाख ६, २०७७ १९:५०

प्रतिक्रिया दिनुहोस्