राप्तीसोनारी गाउँपालिका लकडाउनमा पैदल यात्रीको उद्धारमा केन्द्रीत बन्दै

समाचार

गृहपृष्ठ
समाचार
राप्तीसोनारी गाउँपालिका लकडाउनमा पैदल यात्रीको उद्धारमा केन्द्रीत बन्दै

राप्तीसोनारी गाउँपालिका लकडाउनमा पैदल यात्रीको उद्धारमा केन्द्रीत बन्दै

आइतबार, वैशाख ७, २०७७ बागेश्वरी पोस्ट

बाँके (राप्तीसोनारी)।कोरोना भाइरस संक्रमण हुन नदिन सरकारले लकडाउनका गरेको छ। लकडाउन भएपछि देशभर छरिएर रहेका ब्यक्तिहरु आफ्नो घर जान पैदल हिडिरहकेका छन् ।

यसै क्रममा विभिन्न स्थानबाट आएर लकडाउनका कारण राजमार्गमा अलपत्र परेका पैदल यात्रीलाई राप्तीसोनारी गाउँपालिकाले शनिबार पनि उद्धार गरेको छ ।

बाँके र दाङको सिमाक्षेत्र शिवखोलाबाट पैदल यात्रीलाई गाउँपालिकाले आफ्नो सिमासम्म पुर्याउने गरेको हो । बाँके र दाङको सिमासम्म आइपुगेका पैदल यात्रीलाई विगत तीन दिनदेखी ट्याक्टर र ट्रकमार्फत कोहलपुरसम्म पुर्याउने ब्यवस्था मिलाइरहेको छ ।

गाउँपालिकाले दाङको सिमाबाट करिव ७५ किलोमिटर पश्चिममा पर्ने कोहलपुर बजारसम्म पैदल यात्रीलाई पुर्याउने काम गरिरहेको गाउँपालिका अध्यक्ष लाहुराम थारुले बताउनु भयो । उहाँले भन्नुभयो, ‘लकडाउनको समय दोस्रो पटक थपिएपछि जब मानिसहरु राजमार्गमा पैदल हिड्न थाले, त्यसपछि नै हामीले आफ्नो गाडीबाट पैदल यात्रीलाई बोकेर सिमा कटाउन थालेका थियौं, पैदल यात्रीको चाप अत्यधिक रुपले बढ्न थालेपछि तीन दिनदेखी त ट्याक्टर र ट्रकको ब्यवस्था गरेर पठाइरहेका छौं ।’

संघिय सरकारले लकडाउन गरेपनि चर्को गर्मीमा पैदल हिड्ने सर्बसाधारणलाई आफुले मानवियताको ब्यवहार गरेको उहाँले सुनाउनु भयो । राप्तीसोनारी गाउँपालिकाले गरेको जस्तै सबै स्थानीय तहले पैदल यात्रीलाई यसरी आ–आफ्नो सिमासम्म पुर्याउने ब्यवस्था मिलाउने हो भने उनीहरुले दुःख नपाउने उहाँको भनाई छ । उँपालिकाले तीन दिनयता एक हजार ५ सय बढीको उद्धार गरिसकेको बताइएको छ ।

गाउँपालिकाले पैदल यात्रुको उद्धार गरिरहँदा बाँकेको शम्शेरगन्जस्थित ब्यापारी, वन उपभोक्ता तथा स्थानीय बासिन्दाले खाना खुवाउने ब्यवस्था मिलाउँदै आएका छन् । राप्तीसोनारी उद्योग ब्यापार संघका अध्यक्ष टिकाराम ढुंगानाले पैदल यात्रीलाई खाना खुवाउने ब्यवस्था मिलाएको जानकारी दिनुभयो ।

राप्तीसोनारीले कोहलपुर बजारसम्म पुर्याएका पैदल यात्रीलाई कोहलपुर नगरपालिकाले पनि शुक्रबारबाट आफ्नो सिमासम्म पुर्याउन थालेको छ । पुर्वमा शिवखोलादेखी पश्चिममा कोहलपुर नगरपालिकाकाको सिमाना ७१ किलोमिटर क्षेत्र राप्तीसोनारी गाउँपालिकाभित्र पर्दछ ।

प्रकाशित मिति: आइतबार, वैशाख ७, २०७७ ०७:२६

प्रतिक्रिया दिनुहोस्