लकडाउनमा राहत सामाग्री लुट्ने ५ जना पक्राउ

समाचार

गृहपृष्ठ
समाचार
लकडाउनमा राहत सामाग्री लुट्ने ५ जना पक्राउ

लकडाउनमा राहत सामाग्री लुट्ने ५ जना पक्राउ

आइतबार, वैशाख ७, २०७७ बागेश्वरी पोस्ट

सांकेतिक तस्बिर

वीरगञ्ज । लकडाउनमा बिपन्न परिवारलाई वितरण गर्न लैजादै गरिएको राहत सामाग्री लूटिएको छ।

पर्सा पर्सागढी नगरपालिकामा विपन्नलाई वितरण गर्न लगिएको राहत सामग्री लुटपाट गरेको आरोमा पाँच जना पक्राउ परेका छन् । पक्राउ पर्नेमा पर्सागढी नगरपालिका वडा नं ५ का श्याम कुमार शर्मा, सम्सुल हवारी, चन्द्रकिशोर साह, चन्द्रिका पटेल र दर्शन रायभार रहेका प्रहरीले जानकारी दिएको छ ।

इलाका प्रहरी कार्यालय पटेर्वा सुगौली र एकटाङ्गाको प्रहरी टोलीले उनीहरुलाई पक्राउ गरेको हो । पक्राउ परेकाहरुलाई वीरगञ्जस्थित जिल्ला प्रहरी कार्यालय ल्याइएको छ ।

शनिबार पर्सागढी नगरपालिका वडा नं ६ मा लैजाँदै गरेको ८४ पोका राहत सामग्री वडा नम्बर ५ का बासिन्दाले पचरुखी भन्ने ठाउँमा लुटेका थिए ।

एउटा पोकामा दुई किलो दाल, एक लिटर तेल, दुई प्याकेट नुन, दुई वटा डिटोल र दुई वटा कपडा धुने साबुन गरी छ सय रुपैयाँ बराबरको समान रहेको पर्सागढी नगरपालिकाले जनाएको छ । पक्राउ परेकाको अनुसन्धान भइरहेको छ।

प्रकाशित मिति: आइतबार, वैशाख ७, २०७७ ०७:४१