राजनीतिक दल विभाजन गर्न सजिलो प्रावधान राखेर अध्यादेश

राजनीति

गृहपृष्ठ
राजनीति
राजनीतिक दल विभाजन गर्न सजिलो प्रावधान राखेर अध्यादेश

राजनीतिक दल विभाजन गर्न सजिलो प्रावधान राखेर अध्यादेश

पार्टी अध्यक्ष पुष्पकमल दाहाल प्रचण्ड निवासमा पूर्व माओवादीको भेला

सोमबार, वैशाख ८, २०७७ बागेश्वरी पोस्ट

काठमाडौं । सरकारले राजनीतिक दलसम्बन्धी कानुनमा संशोधन गर्न अध्यादेश ल्याउने भएको छ । राजनीतिक दल विभाजनसम्बन्धी प्रावधानलाई केही संशोधन गरेर अध्यादेश ल्याउन लागिएको बताइएको छ ।

मन्त्रिपरिषद्को सोमबारको बैठकमा यसबारे छलफल भएको बताइएको छ । हालको कानुन अनुसार राजनीतिक दल विभाजन हुनलाई संसदीय दल र केन्द्रीय समिति दुवैमा ४० प्रतिशत संख्या पुर्‍याउनुपर्छ ।

स्रोतका अनुसार अब केन्द्रीय समितिमा मात्रै ४० प्रतिशत भए पनि दल विभाजन गर्न सकिने प्रावधान राखिँदैछ ।

कोरोना महामारीले निम्त्याएको संकटका बीच राजनीतिक दलसम्बन्धी कानून संशोधन गर्ने अध्यादेश किन ल्याउन लागियो भन्ने बारेमा चर्चा शुरु भएको छ ।

पार्टी अध्यक्ष पुष्पकमल दाहाल प्रचण्ड निवासमा पूर्व माओवादीको भेला
मन्त्रिपरिषद् बैठक सकिएसँगै तत्कालीन माओवादी मन्त्रीहरूले भेलासमेत गरेका थिए । माओवादी मन्त्रीहरूले भेलाबाट गरेको निर्णयसहित केही मन्त्री पार्टी अध्यक्ष पुष्पकमल दाहाल प्रचण्ड निवास पुगेका छन् । त्यसअघि प्रधानमन्त्री ओलीले गृह मन्त्री रामबहादुर थापासँग छुट्टै छलफल गरेका थिए ।

केही दिनदेखि तत्कालीन एमाले र तत्कालीन माओवादीबीच टकराव बढ्दै गएको छ । यसैबीच केही दिनअघि कोरोना रोकथाम तथा नियन्त्रणका सम्बन्धमा पार्टीका कार्यकारी अध्यक्ष प्रचण्डले उच्चस्तरीय राजनीतिक संयन्त्र समितिको प्रस्ताव गरेका थिए । जसमा प्रधानमन्त्री ओलीसहित तत्कालीन एमालले रुष्ट रहेका थिए ।

सरकारमा पूर्वमाओवादिको तर्फमबाट गृहमन्त्री रामबहादुर थापा, ऊर्जा जलस्रोत तथा सिँचाइ मन्त्री वर्षमान पुन, खाने पामानी मन्त्री विना मगर, शिक्षामन्त्री गरिराजमणि पोखरेल, खलकुद मन्त्री जगत विश्‍वकर्मा, उद्योग वाणिज्य तथा आपूर्तिमन्त्री लेखराज भट्ट, वन मन्त्री शक्ति बस्नेत रहेका छन् ।

प्रकाशित मिति: सोमबार, वैशाख ८, २०७७ १७:२७