तुलसीपुरमा अव राहात लैजानेले त्यो बराबरको श्रम गर्नुपर्ने

समाचार

गृहपृष्ठ
समाचार
तुलसीपुरमा अव राहात लैजानेले त्यो बराबरको श्रम गर्नुपर्ने

तुलसीपुरमा अव राहात लैजानेले त्यो बराबरको श्रम गर्नुपर्ने

बुधबार, वैशाख १०, २०७७ बागेश्वरी पोस्ट

तुलसीपुर । तुलसीपुरमा उपमहानगरपालिकाले दोस्रो चरणको राहात वितरण कार्यलाई श्रमसंग जोड्ने भएको छ । अब राहत लिनेलाई श्रममा लगाउने गरी श्रम बैंक स्थापना गर्ने भएको छ ।

मेयर पाण्डको अध्यक्षतामा बसेको कार्यपालिकाको ८४ औ वैठकले दोस्रो चरणमा राहात लिनेलाई श्रममा लगाउने निर्णय गरेको छ । ‘दोस्रो चरणको राहतलाई फरक ढँगले अगाडि वढाउने निर्णय पारित भएको छ,’ नगर प्रबक्ता सूर्य डाँगीले भने ‘ अब राहात लैजानेले त्यो बराबरको श्रम गर्नुपर्ने छ।’ मेयर पाण्डेले केही दिन पहिले अब राहातलाई विकाश संग जोड्न लागेको बताएका थिए । पहिलो चरणमा ६ हजार वढिलाई राहत वितरण गरेको र अब राहात वितरणलाई रोजगारलाई सँगै अगाडि वढाउने निर्णय भएको प्रबक्ता डाँगीले बताए ।

विपन्नलाई राहत दिने र त्यस वाफत वडा वडाका विभिन्न विकासका काममा उनीहरुलाई लगाउने गरी राहतको काम अगाडि वढाइने भएको छ । श्रम वैकलाई सञ्चालन गर्नका लागि वडाध्यक्षको संयोजकत्वमा वडा वडामा श्रम समिति निर्माण गर्ने निर्णय पनि भएको छ ।त्यो समितिले कामसँगै खाद्यान्न पनि उपलब्ध गराउने छ । जनता भौकै पनि नरहुन् र काम पनि पाउन् भन्नका लागि यस्तो योजना अगाडि वढाइएको नगरप्रमुख पाण्डेले बताए । ‘असक्त, ज्येष्ठ नागरिक लगायतकालाई भने राहतका लागि श्रम वैकमा काम गर्नु नपर्ने उनले बताए ।

उनले अब तत्कालै श्रम वैकको काम अगाडि वढ्ने समेत वताए । वाहिरबाट फर्किएका श्रमिकहरुलाई काममा लगाउनका लागि पनि यस्तो निर्णय गरिएको हो । श्रम बैंकमा स्थानीयलाई प्राथमिकतामा राखेर काम गराइनेछ । उनले संघ, प्रदेश र स्थानीय स्तरका ठेक्कामा गइसेकका योजना सञ्चालन गर्ने जानकारी दिए ।

यसैविच उपमहानगरपालिकाले राहत वितरणको अनुगमन गर्न कार्यपालिका सदस्य देवराज विकको संयोजकत्वमा ७ सदस्यित समिति वनाइएको छ । त्यसैगरी कृषि उपजको उपलब्धताका लागि वडाको संयोजनमा सहकारी मार्फत काम अगाडि वढाइने भएको छ । कृषकलाई मल विउँ विजन सहकारीले उपलब्ध गराउने उनले बताए ।

प्रकाशित मिति: बुधबार, वैशाख १०, २०७७ १३:५०

प्रतिक्रिया दिनुहोस्