काँग्रेस नेता केसीद्वारा आज पनि राप्तीसोनारीमा राहात वितरण जारी

समाचार

गृहपृष्ठ
समाचार
काँग्रेस नेता केसीद्वारा आज पनि राप्तीसोनारीमा राहात वितरण जारी

काँग्रेस नेता केसीद्वारा आज पनि राप्तीसोनारीमा राहात वितरण जारी

शुक्रबार, वैशाख १२, २०७७ बागेश्वरी पोस्ट

राप्तीसोनारी, बाँके । कोरोना भाइरस महामारीबाट बच्न सरकारले देशलाई लकडाउन गरेको छ। यस्तो बिषम परिस्थितिमा बिपन्न तथा ज्यालादारी गर्ने समुदायलाई राहत सामाग्री देशभर वितरण गरिदै छ।

त्यस्तै राहत वितरण अन्तर्गत बाँकेको राप्तीसोनारी गाउँपालिकामा पनि राहत वितरण भइरहेको छ। एकातिर गाउँपालिकाले पनि बिपन्न तथा ज्यालादारी गर्ने परिवारलाई राहत सामाग्री वितरण गरेको छ अर्को तिर बाँके काँग्रेसका युवा नेता एबम राप्तीसोनारी १ कुसुम निवासी पोषण केसीको समन्वयमा समेत ती समुदायलाई राहत वितरण गरिदै छ।

काँग्रेस युवा नेता केसीको समन्वयमा बिहीवार राप्तीसोनारी गाउँपालिकामा रहेका राप्तीसोनारी गाउँपालिका वडा नम्बर १ लाई १५ क्वीन्टल चामल उपलब्ध गराउनुभएको छ । यसैगरी नेता केसीको समन्वयमा वडा नम्बर २, ८ र ९ मा जनसंख्याका हिसाबले प्रतेक वडामा १० क्वीन्टल चामल हस्तान्तरण गर्नुभएको छ । नेता केसी प्रत्येक गाउँगाउँमा पुगेर आफैले राहत वितरण गरेर एउटा सर्हानिय कार्य गर्नुभएको छ।

राहत वितरण कार्य अन्तर्गत आज र भोलिसम्म राप्तीसोनारी गाउँपालिकाका वडा नम्बर ३,४,५,६ र ७ मा चामल वितरण गर्ने नेता केसीले भन्नुभयो। काँग्रेस युवा नेता केसी एक सरल र सहयोगी भावनाका ब्यक्ति हुनुहुन्छ ।