अध्यक्ष बेहनाद्वारा नेपालगन्जको धम्बोझीमा रहेको प्रहरी सहायता कक्षलाई पानी र बिस्कुट सहयोग

समाचार

गृहपृष्ठ
समाचार
अध्यक्ष बेहनाद्वारा नेपालगन्जको धम्बोझीमा रहेको प्रहरी सहायता कक्षलाई पानी र बिस्कुट सहयोग

अध्यक्ष बेहनाद्वारा नेपालगन्जको धम्बोझीमा रहेको प्रहरी सहायता कक्षलाई पानी र बिस्कुट सहयोग

शनिबार, वैशाख १३, २०७७ बागेश्वरी पोस्ट

नेपालगन्ज। नेपालगन्ज वडा नम्बर ४ का अध्यक्ष मो. सफिक बेहनाले लकडाउनमा आफ्नो ब्यक्तिगत सहयोग कार्यलाई जारीनै राखेका छन् ।

अध्यक्ष बेहनाले नेपालगन्जको धम्बोझी चोकमा जिल्ला प्रहरी कार्यालय बाँकेले राखेको सहायता कक्षलाई पानी र बिस्कुट सहयोग गरेका छन् । अध्यक्ष बेहनाले सहायता कक्षलाई १० कार्टुन पानी र १० बकस बिस्कुट सहयोग गरेका छन् ।

आफुले प्रहरीले राखेको उक्त सहायता कक्ष सहयोग गर्न पाउँद धेरै खुशी भएको अध्यक्ष बेहनाले बताए।

प्रहरीले राखेको उक्त सहायता कक्षले बाहिरबाट आउने पैदलयात्रुलाई गन्तव्यमा पुग्न सहयोग समेेत गर्दै पानी र बिस्कुट दिदै आएको सहायता कक्षकी प्रहरी सहायक निरीक्षक श्याम कुमारी पाइजा मगरले बताईन।साथै अध्यक्ष बेहना लगायत अन्य धेरै सहयोग गरेको पाइजा मगरले भनिन् ।

अध्यक्ष बेहनाले लकडाउनमा ५०० बढी बिपन्न परिवारलाई आफ्नो तर्फबाट ब्यक्तिगत सहयोग गर्नुका साथै बाँकेको ६५ किमी लामो सिमा आफै पुगी त्यहाँ तैनाथ सुरक्षाकर्मीलाई टर्च लाइट, स्यानीटाइजर, पानीको जार तथा पानीको कार्टुन समेत सहयोग गरिसकेका छन् ।

प्रकाशित मिति: शनिबार, वैशाख १३, २०७७ ११:१८

प्रतिक्रिया दिनुहोस्