अध्यादेश फिर्ता लगत्तै निकट नेताहरूसँगको भेटमा ओली

राजनीति

गृहपृष्ठ
राजनीति
अध्यादेश फिर्ता लगत्तै निकट नेताहरूसँगको भेटमा ओली

अध्यादेश फिर्ता लगत्तै निकट नेताहरूसँगको भेटमा ओली

शनिबार, वैशाख १३, २०७७ बागेश्वरी पोस्ट

प्रधानमन्त्री केपी शर्मा ओली

काठमाडौं । प्रधानमन्त्री केपी शर्मा ओली आफूनिकटका नेताहरूको भेटलाई तीव्रता दिएका छन् । पछिल्ला समसामयिक घटनालाई लिएर उनले आफूनिकटका नेता तथा कार्यकर्तासँग भेट गरेका हुन् ।

अध्यादेश फिर्ता लिएपछिको अवस्थाबाट उत्पन्न परिस्थितिबारे छलफल गर्न ओलीले भेटघाटलाई तीव्र पारेको उच्च स्रोतको भनाइ छ ।प्रदेश ५ का मुख्यमन्त्री शंकर पोखरेल प्रधानमन्त्री ओलीलाई भेटेर बाहिरिएको स्रोतले बतायो । स्रोतका अनुसार परराष्ट्रमन्त्री प्रदीप ज्ञवालीलाई भने बोलाइएको छैन । उनी प्रधानमन्त्री ओलीका विश्वास पात्रका रूपमा चिनिन्थे ।

पटकपटकका निर्णयहरूले ओलीको नैतिकतामाथि निरन्तर प्रश्‍नहरू उठिरहेका बेला उनले हाल तीव्र पारेको भेटघाटलाई लिएर केही विश्लेषकहरूले उनले जिम्मेवारीमुक्त हुन खोजेका त होइनन् भन्ने आँकलन पनि गरिरहेका छन् ।

हिजो अध्यादेश फिर्तालगत्तै प्रधानमन्त्री ओलीले प्रमुख प्रतिपक्षी दल नेपाली कांग्रेसका सभापति शेरबहादुर देउवासँग पनि छलफल गरेका थिए । छलफलकै क्रममा अर्का अध्यक्ष पुष्पकमल दाहाल पनि पुगेका थिए ।

विश्वभर महामारीका रूपमा फैलिएको कोरोना भाइरस संक्रमणबाट उत्पन्न संकटका बेला प्रधानमन्त्री ओलीले पार्टी फुटाउन सहज हुने गरी अध्यादेश ल्याउने र फिर्ता गर्ने गरेपछि उनलाई नेकपाकै कार्यकर्ता तथा नेताले घेराउ गरेका छन् । चौतर्फी विरोधपछि सरकारले फिर्ता लिएको अध्यादेश शुक्रबार राष्ट्रपति विद्यादेवी भण्डारीबाट खारेज भइसकेको छ ।

प्रकाशित मिति: शनिबार, वैशाख १३, २०७७ १४:३७

प्रतिक्रिया दिनुहोस्