"निमुखाको लागि राहत दिएको हुँ, नकारात्मक मानसिकता त्याग्नुस्":युवा नेता केसी

समाचार

गृहपृष्ठ
समाचार
"निमुखाको लागि राहत दिएको हुँ, नकारात्मक मानसिकता त्याग्नुस्":युवा नेता केसी

"निमुखाको लागि राहत दिएको हुँ, नकारात्मक मानसिकता त्याग्नुस्":युवा नेता केसी

आइतबार, वैशाख १४, २०७७ बागेश्वरी पोस्ट

नेपालगञ्ज । नेपाली कांग्रेसका युवा नेता एवम् नेपाल पत्रकार महासंघका पूर्व महासचिव पोषण केसीले बाँकेको क्षेत्र नम्बर १ मा आफूले गरिब निमुखा जनताको छाक टार्न राहत बाँडेको बताउनुभएको छ ।

उहाँले कोरोना भाइरसका कारण एक महिना भन्दा बढी समयदेखि जारी लकडाउनले साँझ बिहान छाक टार्न धौधौ भइरहेका गरिब निमुखा जनताहरुलाई सहयोग पुर्याउने उद्देश्यले आफ्नो ब्यक्तिगत पहलमा राहत बाँडेको बताउनुभयो ।

पहिलो चरणमा बाँके क्षेत्र नम्बर १ अन्तर्गत् राप्तीसोनारी गाउँपालिकाका ९ वटै वडाका ९ हजार ५ सय किलो चामल राहत स्वरुप प्रत्येक वडामा पुगेर सरकारको एकद्वार प्रणाली अन्तर्गत् वितरण गर्ने नीतिलाई आत्मसाथ गर्दै सबै वडा कार्यालयहरुमा हस्तान्तरण गरेको युवा नेता केसीले बताउनुभयो ।

आफ्नो यो सानो राहतले छाक टार्न धौधौ भएका गरिब निमुखा जनताहरुलाई केही सहयोग पुग्ने विश्वास लिएको बताउनुभयो । उहाँले अब दोस्रो चरणमा नरैनापुर गाउँपालिका र तेस्रो चरणमा कोहलपुरमा राहत बाँडिने बताउनुभयो ।

फेसबुकमा स्टाटस लेखेर केसीले भन्नुभएको छ–‘मलाई यो महान् कार्यमा उत्प्रेरित गर्ने तथा राहत उपलब्ध गराई सहयोग गर्नुहुने सबै मेरा सहयोगी साथीहरुलाई हार्दिक धन्यवाद दिन चाहन्छ, आवश्यकता र दाताको इच्छा अनुसार प्रेसको माध्यमबाट सबैको नाम सार्वजनिक गर्ने पनि प्रतिबद्धता ब्यक्त गर्द्छु ।’

तर, उहाँले यो कार्यमा मानवीय समवेदनशीलता नभएका र नकारात्मक मानसिकता बोकेका केही ब्यक्तिहरुबाट मानवता विरोधी कार्य भएको भन्दै भत्र्सना गर्नुभएको छ ।

नेता केसीले लेख्नुभएको छ– ‘यस्तो नकारात्मक मानसिकता त्यागेर मानव सेवामा जुट्न अनुरोध गर्न चाहन्छु, साथै आगामी दिनमा पनि अविचलित रही मानव सेवा र समाज सेवामा लागि रहने प्रतिबद्धता पनि ब्यक्त गर्न चाहन्छु, सहयोगी हातहरु सबैमा धेरै धेरै धन्यवाद ।’

वडा अध्यक्षहरुलाई राहत चामल हस्तान्तरण गर्दै युवा नेता केसी-