मुस्लिम समुदायमा लकडाउन प्रभावकारी गराउन सहजीकरण गर्ने जिम्मेवारी वडाध्यक्ष बेहनालाई

समाचार

गृहपृष्ठ
समाचार
मुस्लिम समुदायमा लकडाउन प्रभावकारी गराउन सहजीकरण गर्ने जिम्मेवारी वडाध्यक्ष बेहनालाई

मुस्लिम समुदायमा लकडाउन प्रभावकारी गराउन सहजीकरण गर्ने जिम्मेवारी वडाध्यक्ष बेहनालाई

सोमबार, वैशाख १५, २०७७ बागेश्वरी पोस्ट

नेपालगन्ज । नेपालगन्ज उपमहानगरपालिकाभित्रका मस्जिद, मदरसा लगायत समुदायमा लकडाउनलाई पूर्णरूपमा लागू गराउन वडा नम्बर ४ का अध्यक्ष मोहम्मद सफिक बेहनालाई सहजीकरण गर्ने जिम्मेवारी दिइएको छ ।

मेयर डा.धवल शमशेर राणाले मुस्लिम आयोगबाट गठित जिल्ला स्तरीय अनुगमन समितिलाई सहयोग एवम् सहजीकरण गर्न आज वडाध्यक्ष बेहनालाई जिम्मेवारी तोक्नुभएको हो ।

अनुगमनलाई प्रभावकारी बनाउन जिल्ला स्तरीय समितिका सदस्य आलम खानले उपमहानगरपालिकाबाट एक जना वडा अध्यक्षलाई जिम्मेवारी तोकिदिन अनुरोधसहितको पत्र पठाएपछि बेहनालाई जिम्मेवारी दिइएको मेयर राणाले बताउनुभयो ।

वडा अध्यक्ष बेहनाले आफूले पाएको जिम्मेवारी कुशलतापूर्वक निभाउने बताउँदै सबै मुस्लिम समुदायलाई लकडाउनको पालना गरेर सघाउन आग्रह गर्नुभएको छ ।

प्रकाशित मिति: सोमबार, वैशाख १५, २०७७ २२:२९

प्रतिक्रिया दिनुहोस्