रौतहटमा थप दुईजनालाई देखियो कोरोना पोजेटिभ

समाचार

गृहपृष्ठ
समाचार
रौतहटमा थप दुईजनालाई देखियो कोरोना पोजेटिभ

रौतहटमा थप दुईजनालाई देखियो कोरोना पोजेटिभ

मंगलबार, वैशाख १६, २०७७ बागेश्वरी पोस्ट

रौतहट । रौतहट जिल्लामा थप दुई जनामा कोरोना संक्रमण भेटिएको छ।थप दुई लाई पोजेटिभ देखिएसगै संक्रमितको संख्या ५४ पुगेको छ भने १६ जना निको भएका छन् ।

वृन्दावन नगरपालिका ९ भुसहा र देवाही गोनाही नगरपालिका १ का पुरुषमा कोरोना संक्रमण पुष्टि भएको जिल्ला स्वास्थ्य कार्यालय रौतहटका प्रमुख महेश साहले जानकारी दिए ।दुबैको काठमाडौंको टेकुस्थित राष्ट्रिय जनस्वास्थ्य प्रयोगशालामा गरेको परीक्षणमा कोरोना संक्रमण पुष्टि भएको हो ।

वृन्दावन नगरपालिका भुसहाका २५ वर्षका पुरुष भारतको कोलकाताबाट फर्केर चन्द्रपुरको क्वारेन्टाइनमा १४ दिन बसेर घर फर्किएका थिए । जनकपुरबाट आएको प्रादेशिक टोलीले गरेको र्‍यापिड डाइग्नोस्टिक टेष्ट (आरडीटी) मा नतिजा नेगेटभ देखिएपछि उनलाई घर फर्काइएको थियो । कोरोना संक्रमण पुष्टि भएपछि ती युवकको खोजी सुरु भएको छ ।

प्रकाशित मिति: मंगलबार, वैशाख १६, २०७७ १२:३२

प्रतिक्रिया दिनुहोस्