चितवनको कोरोना अस्पतालका कर्मचारीले स्वास्थ्य सामग्री चोरेको घटनाको छानबिन समिती गठन

समाचार

गृहपृष्ठ
समाचार
चितवनको कोरोना अस्पतालका कर्मचारीले स्वास्थ्य सामग्री चोरेको घटनाको छानबिन समिती गठन

चितवनको कोरोना अस्पतालका कर्मचारीले स्वास्थ्य सामग्री चोरेको घटनाको छानबिन समिती गठन

मंगलबार, वैशाख १६, २०७७ बागेश्वरी पोस्ट

चितवन । चितवनको कोरोना अस्पतालबाट कर्मचारीले नै स्वास्थ्य सामग्री चोरेको घटनाका विषयमा छनविन गर्न समिति बनाइएको छ ।

भरतपुर अस्पताल मातहत सञ्चालित कोरोना अस्पतालको स्टोरबाट चप्पल, मास्क, स्यानीटाइजर लगायत सामग्री चोरी भएपछि भरतपुर महानगरपालिकाले छानविन समिति बनाएको हो ।

उद्योग वाणिज्य संघ चितवनका अध्यक्ष राजु पौडेलको संयोजकत्वमा महानगर र अस्पतालका एक एक जना सदस्य रहने गरी तीन सदस्यीय समिति गठन गरिएको महानगरपालिकाकी उपप्रमुख पार्वती शाह ठकुरीले जानकारी दिनुभयो ।

कोरोना अस्पतालको स्टोरमा रहेका सामान कर्मचारीले रातको समयमा लगेको सिसी टिभी फुटेज सञ्चार माध्यमबाट बाहिरिएपछि छानविनका लागि समिति गठन गरिएको हो। अस्पतालका लेखापाल फणिन्द्र खनाल, भरतपुर अस्पतालका कर्मचारी सञ्जय बराल र महानगरका स्वास्थ्य शाखा अधिकृत सूर्य तिवारीले अस्पतालको स्टोरबाट सामग्री लगेको सार्वजनिक उक्त फुटेजमा देखिएको छ ।

उपप्रमुख ठकुरीले कोरोना संकटका बेला सामान चोरी हुनु दु:खद् घटना भएको बताउनुभयो । छानविन समितिलाई एक साताभित्र प्रतिवेदन बुझाउने समय दिइएको महानगरले जनाएको छ।

प्रकाशित मिति: मंगलबार, वैशाख १६, २०७७ १५:३८