गोल्डेन एज मिडियाले दियो पत्रकारलाई मास्क, ग्लोब्स र सेनीटाइजर

समाचार

गृहपृष्ठ
समाचार
गोल्डेन एज मिडियाले दियो पत्रकारलाई मास्क, ग्लोब्स र सेनीटाइजर

गोल्डेन एज मिडियाले दियो पत्रकारलाई मास्क, ग्लोब्स र सेनीटाइजर

बुधबार, वैशाख १७, २०७७ बागेश्वरी पोस्ट

नेपालगन्ज । गोल्डेन एज अनलाइन मिडिया प्रालिले नेपालगन्जका पत्रकारहरुलाई मास्क, ग्लोब्स र सेनीटाइजार प्रदान गरेको छ ।

नेपाल प्रेस युनियन बाँके शाखासंगको सहकार्यमा गोल्डेन एजले आज नेपालगन्जमा ५० जना बढी पत्रकारहरुलाई ४ थान मास्क, ४ थान ग्लोब्स र एउटा सेनीटाइजर प्रदान गरेको हो ।

गोल्डेन एजका अध्यक्ष जयसिंह केसी, नेपाल प्रेस युनियनका उपमहासचिव प्रेम केसी, नेपाल पत्रकार महासंघ प्रदेश ५ का सचिव शुक्रऋषि चौलागाई र नेपाल प्रेस युनियन बाँकेका अध्यक्ष अर्जुन ओलीले पत्रकारहरुलाई संयुक्तरुपमा ती सामग्री प्रदान गर्नुभएको हो ।

त्यस अवसरमा गोल्डेन एजका अध्यक्ष केसीले दिनरात रिपोर्टिङमा खटिने पत्रकारहरुको सहजताका लागि आफूले यी सामग्री वितरण गरेको बताउनुभयो । "आफ्नो स्वास्थ्य जोखिममा राखेर काम गरिरहनुभएका पत्रकारहरुलाई काम गर्न सजिलो होस् भनेर मैले आफ्नो ब्यक्तिगत खर्चमा विभिन्न सहयोग गरिरहेको छु," अध्यक्ष केसीले भन्नुभयो ।

गोल्डेन एजले यसअघि पनि पत्रकार लगायत सुरक्षाकर्मी, स्वास्थ्यकर्मी र क्वारेन्टाइनमा रहेका ब्यक्तिहरुका लागि स्वास्थ्य सामग्री, पानी, फलफूल र राहत समेत प्रदान गर्दै आएको छ ।

लकडाउनमा बाटोमा अलपत्र परेका कैयौं ब्यक्तिहरुलाई गन्तव्यमा पुर्याउन सहजीकरण पनि गर्दै आएको अध्यक्ष केसीले बताउनुभयो।

प्रकाशित मिति: बुधबार, वैशाख १७, २०७७ ०९:४६

प्रतिक्रिया दिनुहोस्