मुस्लिम धर्म गुरुहरुको कोरोना रिपोर्ट निगेटिभ

समाचार

गृहपृष्ठ
समाचार
मुस्लिम धर्म गुरुहरुको कोरोना रिपोर्ट निगेटिभ

मुस्लिम धर्म गुरुहरुको कोरोना रिपोर्ट निगेटिभ

बिहीबार, वैशाख १८, २०७७ बागेश्वरी पोस्ट

अमृता घर्ती मगत्र/नेपालगन्ज । बाँकेको नेपालगञ्जमा रहेको फैजाने मदिनामा रहेका १० जना धर्म गुरुहरुको कोरोनाको आशंकामा स्वाब परीक्षण गरिएको छ।

कोरोनाका आंशकामा मस्जिदमा रहेका १० जनाको स्वाब परीक्षण मंगलबार गरिएको थियो जसमा सबै जनाको स्वाब परीक्षणको रिर्पोट निगेटिभ देखिएको छ। मुस्लिम आयोगले गठन गरेको अनुगमन समितिको संयोजन र बाँके प्रमुख जिल्ला अधिकारी, सुरक्षा अधिकारी,नगरका मेयर साथै बिभिन्न धर्मका धर्म गुरुको विशेष उपस्थितिमा स्वाब संकलन र मस्जिद मदरसाको अनुगमन गरिएको थियो।

स्वास्थ्य कार्यालय बाँकेले मंगलबार गरेको धर्म गुरुहरुको स्वाब परिक्षणको रिपोर्ट बुधबार बेलुका सार्वजनिक गरेको हो । १० जनाको रिपोर्ट निगेटिभ आएको स्वास्थ्य कार्यालय बाँकेले जानकारी दिएको छ। जमातीहरुमा कोरोनाको संक्रमण देखिए पछि मुस्लिम आयोगले मस्जिदहरुको अनुगमनका लागि समिति बनाएर काम सुरु गरेको छ ।

यता बाँकेको भेरी अस्पतालमा उनीहरुको स्वाब परीक्षण गरिएको थियो । यता अनुगमन समितिका संयोजक हाजी अब्दुल हमिद सिद्धिकीले पश्चिम नेपालको सबैभन्दा ठूलो मदरसा रहेका धर्म गुरु र बिधार्थीहरुको स्वाब परिक्षण सम्पन्न भइसकेको र रिपोर्ट निगेटिभ आएकोले सहज रुप स्वास्थ्य परिक्षण गराउन अपिल गर्नु भयो ।

यता मुस्लिम आयोगले गठन गरेको समिति सदस्य शक्ति बंशकारले आफ्नो मनोमानी तरिकाले तबलिगि जमातका व्यक्तिहरु मुस्लिम आयोगको सदस्य बताउदै रोजाको अवधिमा नै स्वाब परिक्षण गर्न लगाएको भन्दै मुस्लिम आयोगको चर्को आलोचना सुरु भएको छ । प्रमुख जिल्ला अधिकारी र धर्म गुरुहरुको सर्वपक्षीय सहमतिमा रोजा इफ्तार पछि स्वाब परिक्षण गर्ने सहमति भए पनि अनुगमन समितिका संयोजक लगायत अन्य पदाधिकारीहरुलाई जानकारी नगराइ मनोमानी तरिकाले काम गरेको भन्दै मुस्लिमहरुले बंशकारलाई समितिबाट नहटाए बाँकेमा स्वास्थ्य परिक्षण गराउन नदिने चेतावनी दिएका छन् ।

यता मुस्लिम आयोगले जारी गरेको विज्ञप्तिमा तबलिगी जमातको मात्र कोभीड परिक्षण गर्ने लेखिए पनि बरेलबी र हिन्दुहरुको स्वास्थ्य परिक्षण गर्ने बाँके प्रशासनमा सहमति भएको थियोे। तर बंशकारले स्थानीय जनप्रतिनिधिहरुलाई समेत जनाकारी नगराइ जबरजस्ती तरिकाले गरेको कामको चौतर्फि आलोचना गरिएको छ ।

अनुगमन समितिका संयोजकले मुस्लिम आयोगले गठन गरेको समितिको पहलमा आज कुनै पनि मस्जिदमा स्वाब परिक्षण नगरिएको बताउनुभयो। उहाँले नेपालगन्जमा आज स्वाब परिक्षण भएको सामाजिक संजाल मार्फत जानकारी पाए पनि प्रशासनले भने अधिकारीक जानकारी नदिएको र यस विषयमा बिहिबार प्रमुख जिल्ला अधिकारी संग बैठक बसेर कुरा गर्ने बताउनुभयो ।

मुस्लिम आयोगले मस्जिद र मदरसाहरुको अनुगमन गर्न बनाएको समितिको रोहबरमा नै धर्म गुरुहरु स्वास्थ्य परिक्षण गर्ने भन्ने विषयलाई लिएर नेपालगञ्ज आलोचना हुदै आए पनि अनुगमन समितिले सदभाव समिति संग सहकार्य गरेर आफ्नो कामलाई निरन्तरता दिएको २४ घण्टा बित्न नपाउँदै अनुगमन समिति बिभाजन भएको छ ।

प्रकाशित मिति: बिहीबार, वैशाख १८, २०७७ ०७:१०

प्रतिक्रिया दिनुहोस्