लकडाउनमा नेपालगन्ज र सुर्खेतमा फसेका हुम्लावासी विमान चार्टर्ड गरी घर फर्किए

समाचार

गृहपृष्ठ
समाचार
लकडाउनमा नेपालगन्ज र सुर्खेतमा फसेका हुम्लावासी विमान चार्टर्ड गरी घर फर्किए

लकडाउनमा नेपालगन्ज र सुर्खेतमा फसेका हुम्लावासी विमान चार्टर्ड गरी घर फर्किए

शनिबार, वैशाख २०, २०७७ बागेश्वरी पोस्ट

फाइल फोटो

नेपालगन्ज । लकडाउनमा नेपालगन्ज र सुर्खेतमा फसेका हुम्लावासीहरुलाई विमान मार्फत हुम्ला लगिएको छ।

लकडाउनका कारण घर जान नपाएका हुम्लाका नागरिक आफैंं विमान चार्टर्ड गरी घर फर्किएका छन्। सुर्खेत र नेपालगन्जमा रहेका हुम्लाका नागरिक शनिबार विमान चार्टर्ड गरी गाउँ फर्किएका हुन्।

हुम्लाका नागरिकलाई गाउँ लिन सीता एअरको विमानले शनिबार सुर्खेतबाट तीन वटा उडान गरेको छ। सुर्खेतमा विमान चार्टर्डका लागि संयोजकत्व गरिरहेका कार्चोन लामाका अनुसार प्रतिव्यक्ति १० हजार रुपैयाँ र नेपालगन्जबाट प्रतिव्यक्ति १० हजार ५ सय रुपैयाँ तिरेका छन्।

शनिबार सुर्खेतबाट ४५ जना नागरिक हुम्ला पुर्‍याइएको छ। लकडाउनका कारण नेपालगञ्ज र सुर्खेतमा गरी करिब सय नागरिक फसेको लामाले बताए। नेपालगन्जबाट शनिबार सिता एयरले १२, ताराले १७, गोमाले १५ र सिम्रिक एयरमार्फत् १५ गरी ५९ जनालाई हुम्ला सदरमुकाम पुगेको लामाले जानकारी दिए।सेतोपाटीबाट।

प्रकाशित मिति: शनिबार, वैशाख २०, २०७७ १७:००