नेपालगन्जका संक्रमित ब्यक्तिको सम्पर्कमा आएका ९० जनाको स्वाब संकलन

समाचार

गृहपृष्ठ
समाचार
नेपालगन्जका संक्रमित ब्यक्तिको सम्पर्कमा आएका ९० जनाको स्वाब संकलन

नेपालगन्जका संक्रमित ब्यक्तिको सम्पर्कमा आएका ९० जनाको स्वाब संकलन

शनिबार, वैशाख २०, २०७७ बागेश्वरी पोस्ट

नेपालगन्ज । नेपालगन्ज डिएसपी रोडका ६० बर्षीय पुरुषमा कोरोना संक्रमणको पुष्टि भएपछि आजदेखि उनको घरपरिवार र सम्पर्कमा आएकाहरुको स्वाब संकलन गर्न शुरु गरिएको छ ।

आज उनको घरपरिवार र उनीसंग सम्पर्कमा आएका ९० जनाको कोरोना परिक्षणका लागि स्वाब संकलन गरेर परिक्षणका लागि भेरी अस्पताल नेपालगन्ज पठाइएको छ । उनको घरपरिवार र उनले काम गर्ने महेन्द्र पार्क नजिकै जोलहनपुर्वास्थित मस्जिद, स्थानीय र मदरसाका विद्यार्थी गरी ९० जनाको स्वाब संकलन गरेर पिसिआर परिक्षणका लागि भेरी अस्पताल पठाइएको हो । स्वाव संकलन गरिएका मध्ये ८३ जनालाई जोलाहनपुर्वामै राखिएको र अन्य ७ जनालाई महेन्द्र बहुमुखी क्याम्पसमा रहेको क्वारेन्टाइनमा पठाइएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिनुभयो ।

संक्रमित व्यक्तिले जोलहनपुर्वास्थित मस्जिदमा सहायकको रुपमा काम गर्दै आएका थिए भने त्यहाँस्थित मदरसामा स्थानीय बालबालिकालाई पनि पढाउँदै आएका थिए । उनको खजुरास्थित सुशील कोइराला प्रखर क्यान्सल अस्पतालमा बनाइएको आइसोलेसन कक्षमा उपचार भइरहेको छ ।

प्रकाशित मिति: शनिबार, वैशाख २०, २०७७ २०:२५