नरैनापुरको दशगजामा २१ जना नेपाली अलपत्र

समाचार

गृहपृष्ठ
समाचार
नरैनापुरको दशगजामा २१ जना नेपाली अलपत्र

नरैनापुरको दशगजामा २१ जना नेपाली अलपत्र

आइतबार, वैशाख २१, २०७७ बागेश्वरी पोस्ट

नेपालगन्ज। बाँकेको नरैनापुर गाउँपालिका वडा नम्बर १ कट्कुइँयास्थित नेपाल भारत सीमाको दशगजामा २१ जना नेपाली अलपत्र परेका छन् ।

भारत र नेपालमा लकडाउन भएकै बेला उनीहरु हिजो चोर बाटो हुँदै नेपाल प्रवेश गरेका हुन् । भारतका विभिन्न सहरमा रोजगारीका लागि गएका उनीहरुलाई भारत फिर्ता पठाउने वा नेपालमै क्वारेन्टाइनमा राख्ने भन्ने बिषयमा सरकारको निर्देशन कुरिरहेको प्रमुख जिल्ला अधिकारी कुमार बहादुर खड्काले बताउनुभयो।

उनीहरु सबै नरैनापुर गाउँपालिकाका स्थानीय हुन् । नरैनापुर गाउँपालिकाका अध्यक्ष इस्तियाक अहमद शाहले उनीहरुलाई गाउँपालिकाको क्वारेन्टाइनमा राख्ने वा दशगजामा अस्थायी क्वारेन्टाइन बनाएर राख्ने भन्ने विषयमा स्थानीय प्रशासनसंग समन्वय भइरहेको बताउनुभयो ।

"उनीहरु नेपालतर्फको दशगजामा आइसकेका छन्, यहीँका स्थानीय हुन्, उनीहरुको व्यवस्थापन गर्नु हाम्रो दायित्व हो, उनीहरूका बारेमा जतिसक्यो चाँडो उपयुुक्त निर्णय लिन जरुरी छ," अध्यक्ष शाहले भन्नुभयो।

आफूले उनीहरु रहेको ठाँउमा पुगेर अवस्था अनुगमन गरेको जानकारी दिँदै अध्यक्ष शाहले खानेपानी, शौचालय र अन्य केही सुबिधा नभएको ठाउँमा उनीहरुलाई राखिरहँदा समस्या हुने भएकाले छिट्टै उपयुक्त निर्णय लिन जरुरी रहेको बताउनुभयो ।

प्रकाशित मिति: आइतबार, वैशाख २१, २०७७ १४:३६