६ जिल्लामा प्रहरी उपरीक्षक (एसपी) हरुको काज सरुवा

समाचार

गृहपृष्ठ
समाचार
६ जिल्लामा प्रहरी उपरीक्षक (एसपी) हरुको काज सरुवा

६ जिल्लामा प्रहरी उपरीक्षक (एसपी) हरुको काज सरुवा

आइतबार, वैशाख २१, २०७७ बागेश्वरी पोस्ट

फाइल तस्बिर

काठमाडौं । प्रहरी प्रधान कार्यालयले ६ जिल्लामा प्रहरी उपरीक्षक (एसपी) हरुको काज सरुवा गरेको छ ।

सुनसरीको प्रहरी प्रमुख रहेका यज्ञविनोद पोखरेल, बर्दियाका राजेशनाथ बाँस्तोला, कैलालीका सुदीप गिरी, नवलपरासी (पश्चिम)का लालमणि आचार्य, दाङका जनक भट्टराई र बाग्लुङका नवराज भट्ट एसएसपीमा बढुवा भएपछि ती जिल्ला नेतृत्वबिहिन थिए ।

प्रहरी प्रधान कार्यालयका अनुसार कैलालीको प्रहरी प्रमुखमा मानवबेचबिखन अनुसन्धान ब्युरोका अनुपम शमशेर जवराको सरुवा भएको छ । महानगरीय प्रहरी कार्यालय रानीपोखरीमा कार्यरत एसपी गणेश चन्दले दाङ प्रहरी प्रमुखको जिम्मेवारी पाएका छन् ।

त्यस्तै सम्पत्ति शुद्धीकरण अनुसन्धान बिभागको प्रहरी शाखामा कार्यरत एसपी कमल थापालाई सुनसरी प्रहरी प्रमुखको जिम्मेवारी दिइएको छ । बर्दियाको प्रहरी प्रमुखमा एसपी केदार रजौरे, नवलपरासी (पश्चिम)को प्रमुखमा अजय केसी, र बाग्लुङमा शारदाप्रसाद चौधरीलाई खटाइएको प्रहरी प्रधान कार्यालयले जनाएको छ ।

प्रहरी प्रधान कार्यालयले एकबर्षे कार्यकाल पूरा भएका जिल्लाको नेतृत्व परिवर्तनको तयारी थालेको छ । जिल्ला प्रहरी कार्यालय कास्कीका एसपी दानबहादुर कार्की र मोरङका एसपी बिश्व अधिकारीको एकबर्षे कार्यकाल पूरा भइसकेको छ । कमाण्ड कन्ट्रोल तथा पुलिसिङमा कमजोर देखिएको भन्दै बाँकेका एसपी वीरबहादुर ओलीलाई फिर्ता गर्न लागिएको स्रोतको भनाइ छ । बाँके प्रहरी प्रमुखको लागि आईजी सचिवालयका एसपी भुपेन्द्र खत्रीको नाम चर्चामा छ । सुरक्षा न्युज

प्रकाशित मिति: आइतबार, वैशाख २१, २०७७ १६:११

प्रतिक्रिया दिनुहोस्