नेपालगन्जमा कोरोना संक्रमित एउटै टोलका

समाचार

गृहपृष्ठ
समाचार
नेपालगन्जमा कोरोना संक्रमित एउटै टोलका

नेपालगन्जमा कोरोना संक्रमित एउटै टोलका

आइतबार, वैशाख २१, २०७७ बागेश्वरी पोस्ट

नेपालगन्ज । नेपालगन्जमा आज कोरोना पुष्टि भएका १५ जना नै एउटै टोलका हुन् । नेपालगन्ज उपमहानगरपालिका वडा नम्बर ८ जोलहनपुर्वा टोलबाट हिजो संकलन गरिएका स्वाब मध्ये ५५ जनाको परिक्षण गरिसक्दा १५ जनामा कोरोना पोजिटिभ देखिएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो ।
अब ३५ जनाको रिपार्ट आउन बाँकि छ । नेपालगन्ज वडा नम्बर ७ डिएसपी रोडका पहिलो संक्रमित ६० बर्षीय पुरुषसंग सम्पर्कमा आएका ९० जनाको हिजो स्वाब संकलन गरिएको थियो । पहिलो संक्रमति व्यक्ति जोलहनपुर्वास्थित मस्जिदमा आउजाउ गर्नुका साथै त्यहाँ रहेको मदरसामा स्थानीय बालबालिकालाई पढाउने गरेको थाहा भएपछि हिजो त्यस क्षेत्रबाट स्वाब लिइएको थियो ।
संक्रमित व्यक्तिहरुलाई खजुरास्थित सुशील कोइराला प्रखर क्यान्सर अस्पतालको आइसोलेसनमा लैजाने तयारी गरिएको छ । पहिलो संक्रमित व्यक्तिको खजुरामै उपचार भइरहेको छ ।