भारतबाट आएकालाई नरैनापुरमा दशगजामै अस्थायी क्वारेन्टाइन बनाएर राखियो

समाचार

गृहपृष्ठ
समाचार
भारतबाट आएकालाई नरैनापुरमा दशगजामै अस्थायी क्वारेन्टाइन बनाएर राखियो

भारतबाट आएकालाई नरैनापुरमा दशगजामै अस्थायी क्वारेन्टाइन बनाएर राखियो

सोमबार, वैशाख २२, २०७७ बागेश्वरी पोस्ट

नेपालगञ्ज। बाँकेको नरैनापुर गाउँपालिकाको वडा नम्बर १ कट्कुइँयास्थित दशगजामा भारतबाट आएर अलपत्र परेका २१ जनालाई अस्थायी क्वारेन्टाइन बनाएर राखिएको छ ।

दशगजामै सशस्त्र प्रहरीले बनाएको टेन्टमा उनीहरुलाई राखिएको गाउँपालिकाका अध्यक्ष इस्तियाक अहमद शाहले बताउनुभयो । उनीहरुको खानपिन र अन्य सबै व्यवस्थापन गाउँपालिकाले गर्ने शाहले बताउनुभयो ।

भारतका विभिन्न सहरमा मजदुरी गर्न गएका उनीहरु शनिवार लकडाउनकै बीच नेपाल प्रवेश गरेका थिए । उनीहरु सबै नरैनापुर गाउँपालिकाका स्थानीय हुन् । नरैनापुर गाउँपालिकाको ३ वटा क्वारेन्टाइनमा अहिले ४४ जना रहेको स्वास्थ्य शाखा उपप्रमुख नागेन्द्र कुमार साहले बताउनुभयो ।

दशगजामा २१, नेरा प्रावि खादवाँमा १४ र आदर्श मावि लक्ष्मणपुरमा ९ जना रहेको साहले जानकारी दिनुभयो ।

प्रकाशित मिति: सोमबार, वैशाख २२, २०७७ १०:२८

प्रतिक्रिया दिनुहोस्