नेपालगन्जको जोल्हनपुर्वा कोरोनाको "रेड जोन",एउटै टोलमा २२ संक्रमित

समाचार

गृहपृष्ठ
समाचार
नेपालगन्जको जोल्हनपुर्वा कोरोनाको "रेड जोन",एउटै टोलमा २२ संक्रमित

नेपालगन्जको जोल्हनपुर्वा कोरोनाको "रेड जोन",एउटै टोलमा २२ संक्रमित

मंगलबार, वैशाख २३, २०७७ बागेश्वरी पोस्ट

नेपालगन्ज। एउटै टोलमा २२ जना संक्रमित भेटिएपछि नेपालगन्जको जोल्हनपुर्वा बस्ती "रेड जोन" बनेको छ ।

थपिएका ७ नयाँ संक्रमित पनि आइतबार कोरोना संक्रमण पुष्टि भएका १५ जना बस्ने टोलकै स्थानीय हुन् । यो संगै नेपालगन्ज ८ जोल्हनपुर्वा टोलका २२ जना संक्रमित भएका छन् ।

शुक्रबार नेपालगन्ज ७ डिएसपी रोडका ६० वर्षीय पुरुषमा पहिलोपटक संक्रमण पुष्टि भएपछि उनको घरपरिवार, उनी काम गर्ने मस्जिद वरपर र उनले ट्युसन पढाउने घरका ब्यक्तिहरुको स्वाब संकलन गरेर भेरी अस्पतालमा पिसिआर विधिबाट परिक्षण गरिएको हो ।

शनिबार र आइतबार संकलन गरिएका सबै ९४ जनाको स्वाब परिक्षण गर्दा २२ जनामा संक्रमण देखिएको हो । यसअघि आइतबार १५ जनामा संक्रमण पुष्टि भएको थियो ।

प्रकाशित मिति: मंगलबार, वैशाख २३, २०७७ ११:०९

प्रतिक्रिया दिनुहोस्