लकडाउन कम्तिमा एक साता बढाउने सरकारको तयारी

समाचार

गृहपृष्ठ
समाचार
लकडाउन कम्तिमा एक साता बढाउने सरकारको तयारी

लकडाउन कम्तिमा एक साता बढाउने सरकारको तयारी

मंगलबार, वैशाख २३, २०७७ बागेश्वरी पोस्ट

काठमाडौं । सरकारले पुनः लकडाउनको समयावधी बढाउने निष्कर्ष निकालेको छ । मंगलवार बसेको कोरोना रोकथाम तथा नियन्त्रण उच्चस्तरीय समिति बैठकले लकडाउनकै कारण कोरोना फैलिन नपाएको निकर्ष निकाल्दै लकडाउन थप गर्ने निर्णय गरेको हो ।

प्रधानमन्त्री तथा मन्त्रिपरिषद कार्यालयका सचिव नारायणप्रसाद बिडारीले २५ गतेसम्मको लकडाउन पुनः बढ्ने जानकारी दिए ।

‘अहिले सरकारले जुन नीति अख्तियार गरेको छ, जुन बाटोमा हिँडिएको छ, यो सही छ भन्ने छलफलबाट निष्कर्ष निकालियो’, सचिव बिडारीले भने, ‘लकडाउन निरन्तर रहन्छ ।’

बालुवाटारस्थित् प्रधानमन्त्री निवासमा बसेको बैठकमा प्रधानमन्त्री केपी शर्मा ओलीसमेत उपस्थित थिए ।

लकडाउन कम्तिमा एक साता बढाउने सरकारको तयारी छ । भोलि बस्ने मन्त्रिपरिषद बैठकबाट लकडाउनबारे निर्णय हुनेछ ।

प्रकाशित मिति: मंगलबार, वैशाख २३, २०७७ १९:१८

प्रतिक्रिया दिनुहोस्