नेपालगन्जका ५ ठाउँबाट स्वाबको नमुना लिन थालियो

समाचार

गृहपृष्ठ
समाचार
नेपालगन्जका ५ ठाउँबाट स्वाबको नमुना लिन थालियो

नेपालगन्जका ५ ठाउँबाट स्वाबको नमुना लिन थालियो

मंगलबार, वैशाख २३, २०७७ बागेश्वरी पोस्ट

नेपालगन्ज। नेपालगन्जमा आज साँझदेखि संक्रमित ब्यक्तिहरु बस्ने टोल वरपरबाट स्वाब संकलन थालिएको छ ।

नेपालगन्ज उपमहानगरपालिका वडा नम्बर ८ को एउटै टोलमा २२ जना र वडा नम्बर ७ मा १ जना गरी २३ जना कोरोना संक्रमित भेटिएपछि विभिन्न ५ ठाउँबाट स्वाब संकलन गर्न सुरु गरिएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिनुभयो।

भैरव टोल, रानीतलाउको सब्जीमण्डी, नाउ टोल, पण्डन मोहला तथा टाँगा स्टेशन आसपासबाट स्वाब संकलन शुरु गरिएको छ । ५ दिनमै २३ जनामा कोरोना संक्रमण पुष्टि भएपछि अहिले नेपालगञ्ज उच्च जोखिममा छ ।

स्वास्थ्य मन्त्रालय र विश्व स्वास्थ्य सङ्गठनको टोली नेपालगञ्ज आएर सङ्क्रमण रोकथाम तथा नियन्त्रणमा जुटेको श्रेष्ठले जानकारी दिनुभयो। स्वास्थ्य मन्त्रालय, विश्व स्वास्थ्य सङ्गठन र प्रदेशको सामाजिक विकास मन्त्रालयको टोलीको प्रत्यक्ष निगरानीमा स्वाब संकलन सुरु गरिएको हो ।

प्रकाशित मिति: मंगलबार, वैशाख २३, २०७७ २०:२४