राहत वितरण कार्यमा सहयोग गर्ने सबैलाई कोहलपुर काँगेसको धन्यवाद

समाचार

गृहपृष्ठ
समाचार
राहत वितरण कार्यमा सहयोग गर्ने सबैलाई कोहलपुर काँगेसको धन्यवाद

राहत वितरण कार्यमा सहयोग गर्ने सबैलाई कोहलपुर काँगेसको धन्यवाद

मंगलबार, वैशाख २३, २०७७ बागेश्वरी पोस्ट

नेपालगन्ज । नेपाली काँग्रेस कोहलपुर नगर कार्य समितिले आफ्नो आह्वानमा लकडाउनका कारण अप्ठ्यारोमा परेका ब्यक्तिहरुलाई सहयोग गर्ने सबैप्रति आभार ब्यक्त गर्दै धन्यवाद दिएको छ ।

नगर सभापति बलराम शर्माले आज एक विज्ञप्ति निकालेर नगर कार्य समितिको १७ गतेको अपिल बमोजिम कोरोना भाइरसको संक्रमण रोक्न लामो समयदेखि भएको लकडाउनका कारण समस्यामा परेका गरिव, मजदुर तथा विपन्न परिवारका लागि मजदुर दिवसको अवसर पारी राहत वितरण कार्यमा सक्रियतापूर्वक सहयोग गर्ने सबैलाई धन्यवाद दिएको छ । "यो कार्यमा सहयोग गर्नुहुने पार्टीका साथीहरु, कोहलपुर नगरपालिकाका जनप्रतिनिधि लगायत प्रत्यक्ष तथा परोक्षरुपमा सहयोग पुर्याउनुहुने महानुभावहरुलाई नेपाली कांग्रेस कोहलपुर नगर कार्य समितिको तर्फबाट हार्दिक धन्यवाद ब्यक्त गर्दछौं," विज्ञप्तिमा भनिएको छ ।

यस क्रममा कोहलपुरका सबै १५ वटै वडामा सरकारको एकद्वार प्रणालीको अवधारणा अनुसार प्रति वडामा ५/५ क्विन्टलका दरले करिब ३ लाख ५० हजार मूल्य बराबरको ७५ क्विन्टल चामल प्रदान गरिएको सभापति शर्माले बताउनुभयो । साथै अलपत्र परेका ७ हजार २ सय ब्यक्तिहरुलाई १२ दिनसम्म नि:शुल्क खानाको व्यवस्था गरी मानवीय कार्य गर्ने नेपाली काँग्रेस कोहलपुर नगर वडा कार्यसमिति वडा नम्बर ११ र प्रजातान्त्रिक उद्योगी व्यवसायी संघ कोहलपुरलाई पनि धन्यवाद ज्ञापन गरिएको छ ।

कोरोनाको संक्रमण बच्न सरकारले लागू गरेको लकडाउनको पनि पूर्ण पालना गर्न सभापति शर्माले नगरवासीलाई आग्रह गर्नुभएको छ ।