नेपालगन्जमा संक्रमित क्षेत्रका ५४ मध्ये ३४ को रिपोर्ट नेगेटिभ

समाचार

गृहपृष्ठ
समाचार
नेपालगन्जमा संक्रमित क्षेत्रका ५४ मध्ये ३४ को रिपोर्ट नेगेटिभ

नेपालगन्जमा संक्रमित क्षेत्रका ५४ मध्ये ३४ को रिपोर्ट नेगेटिभ

बुधबार, वैशाख २४, २०७७ बागेश्वरी पोस्ट

नेपालगन्ज । नेपालगन्जमा संक्रमित व्यक्तिहरुको सम्पर्कमा आएका ३४ जनाको कोरोना रिपोर्ट नेगेटिभ आएको छ । एउटै टोलका २२ सहित २३ जना संक्रमितको सम्पर्कमा आएका ३४ जनाको स्वाब परिक्षण गर्दा रिपोर्ट नेगेटिभ आएको हो ।

हिजो साँझ संकलित ५४ नमुना मध्ये आज भेरी अस्पताल नेपालगन्जमा परिक्षण गरिएका ३४ जनाको रिपोर्ट नेगेटिभ आएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो । अन्य २० नमुना परिक्षणकै क्रममा छन् ।

आज पनि वडा नम्बर ८ को संक्रमित क्षेत्र वरपरबाट स्वाब लिने काम भइरहेको छ । संक्रमित व्यक्तिहरुको सम्पर्कमा आएकाहरुको पहिचान गर्दै स्वाब संकलनलाई पनि तीब्रता दिइएको कोरोना फोकल पर्सन श्रेष्ठले बताउनुभयो ।

त्यस्तै बर्दिया र नेपालगन्ज मेडिकल कलेजबाट संकलित थप १२ नमुनाको रिपोर्ट आउन बाँकि नै छ ।
No photo description available.