वीरगन्जमा भेटिएका १७ जना कोरोना पोजेटिभ सबै एउटै परिवारका

समाचार

गृहपृष्ठ
समाचार
वीरगन्जमा भेटिएका १७ जना कोरोना पोजेटिभ सबै एउटै परिवारका

वीरगन्जमा भेटिएका १७ जना कोरोना पोजेटिभ सबै एउटै परिवारका

बुधबार, वैशाख २४, २०७७ बागेश्वरी पोस्ट

वीरगन्ज । वीरगन्जमा आज कोरोना पोजेटिभ देखिएका १७ जना सबै एकै परिवारका सदस्य भएको खुलेको छ ।

वीरगन्ज महानगरपालिका ३ छपकैयास्थित त्यही परिवारका ३६ वर्षीय पुरुषलाई कोरोना भाइरसको संक्रमण भएको आइतबार पुष्टि भएको थियो । त्यसपछि परिवारका सदस्य र उनको सम्पर्कमा आएकाहरूको परीक्षण गरिएको थियो ।

त्यसक्रममा उनको परिवारका सबै सदस्यको रिपोर्ट पोजेटिभ आएको नारायणी अस्पतालका मेडिकल सुपरिटेन्डेन्ट डा. मदन उपाध्यायले जानकारी दिए । संक्रमित हुनेमा दुई महिनाको शिशुदेखि ८६ वर्षका वृद्धसमेत छन् ।

संक्रमित परिवारका सदस्यहरूले भने लकडाउन घोषणा भएपछि आफूहरू बाहिर नगएको बताएका छन् । अस्पतालका अधिकारीहरू ३६ वर्षका पुरुषलाई भएको संक्रमणको स्रोत नै पत्ता नलागेको बताउँछन् ।

प्रकाशित मिति: बुधबार, वैशाख २४, २०७७ १८:०८