राप्तीसोनारी वडा नंं ८ ले चुलो बाल्न नसकेका अति प्रभावितलाई दियो राहत

समाचार

गृहपृष्ठ
समाचार
राप्तीसोनारी वडा नंं ८ ले चुलो बाल्न नसकेका अति प्रभावितलाई दियो राहत

राप्तीसोनारी वडा नंं ८ ले चुलो बाल्न नसकेका अति प्रभावितलाई दियो राहत

बुधबार, वैशाख २४, २०७७ बागेश्वरी पोस्ट

शम्शेरगन्ज( बाँके )। राप्तीसोनारी गाउँपालिकाको वडा नम्बर ८ ले बिपन्न २२ घर परिवारका आज राहत वितरण गरेको छ ।

लामो लकडाउनका कारण साँझ बिहान चुलो बाल्न नसकेका वडा नम्बर ८ स्थित नयाँ गाउँका २२ घरधुरीलाई राहत सामाग्री वितरण गरिएको हो वडा अध्यक्ष खुम बहादुर बस्नेतले बताए । लकडाउनबाट प्रभावित भएका ३ वटा होमस्टे सञ्चालकलाई पनि राहत विरण गरिएको छ ।

उक्त गाउँमा १३ वटा होमस्टे भएपनि लकडाउनका कारण बन्द छन् । आज गरिएको राहत वितरणमा राप्तीसोनारी गाउँपालिका उपाध्यक्ष धनीकुमारी खत्री, वडा नम्बर ८ का वडाअध्यक्ष खुमबहादुर बस्नेत, राजनीतिक दल, प्रहरी, रेडक्रसका प्रतिनिधी लगायतको उपस्थिती रहेको थियो ।

उक्त वडाले लकडाउन प्रभावितलाई तेस्रो चरणको राहत सामाग्री वितरण गरेको वडाअध्यक्ष बस्नेतले जानकारी दिए । राहत वितरण गर्दा सामाजिक दुरीलाई विशेष ख्याल गरिएको उनले बताए ।लकडाउन जेठ ५ गते सम्म पुनः लम्बिएको कारण आफ्नो वडामा रहेका बिपन्नलाई भोकै बस्न नदिने अध्यक्ष बस्नेतले भने।

प्रकाशित मिति: बुधबार, वैशाख २४, २०७७ १८:४९

प्रतिक्रिया दिनुहोस्