मुम्बईबाट ४ दिनअघि लुकिछिपी आएका थिए कपिलवस्तुका दुई कोरोना संक्रमित

समाचार

गृहपृष्ठ
समाचार
मुम्बईबाट ४ दिनअघि लुकिछिपी आएका थिए कपिलवस्तुका दुई कोरोना संक्रमित

मुम्बईबाट ४ दिनअघि लुकिछिपी आएका थिए कपिलवस्तुका दुई कोरोना संक्रमित

शुक्रबार, वैशाख २६, २०७७ बागेश्वरी पोस्ट

कपिलवस्तु । कपिलवस्तुका कोरोना संक्रमित दुुईजना लकडाउनकै बीच भारतको मुम्बईबाट चार दिनअघि नेपाल प्रवेश गरेको पुष्टि भएको छ ।

कपिलवस्तुुको मायादेवी गाउँपालिका ८ विजुवाका १६ र २२ वर्षका उनीहरुका वैशाख २३ गते कपिलवस्तुको पकडी नाकाको दक्षिणतर्फको खुला सीमाबाट नेपाल आएको कपिलवस्तुका प्रहरी प्रमुख दीपशमशेर जबराले बताए ।

लुकिछिपी भारतीय सीमा हुँदै नेपाल प्रवेश गरेका उनीहरुलाई स्थानीयले मायादेवी गाउँपालिकाकै तीर्थादेवी छत्रपाली माविको क्वारेन्टाइनमा राखेका थिए । दुई जनाकै थ्रोट स्वाबको परीक्षण भैरहवास्थित प्रदेश जनस्वास्थ्य प्रयोगशालामा किट अभावका कारण राष्ट्रिय जनस्वास्थ्य प्रयोगशाला टेकु पठाइएको थियो ।

अन्य चारजना युवाहरू पनि उनीहरु सँगै आएको सूचना आएको र खोजी कार्य भइरहेको कपिलवस्तु प्रहरी प्रमुख जबराले बताए ।अहिले नेपालमा कोरोना संक्रमितको संख्या १०१ पुगेको छ।

प्रकाशित मिति: शुक्रबार, वैशाख २६, २०७७ ०८:२३

प्रतिक्रिया दिनुहोस्