स्वास्थ्यमा समस्या आएपछि प्रधानमन्त्री ओली ग्राण्डी अस्पतालमा: आईसीयूमा उपचार हुँदै

समाचार

गृहपृष्ठ
समाचार
स्वास्थ्यमा समस्या आएपछि प्रधानमन्त्री ओली ग्राण्डी अस्पतालमा: आईसीयूमा उपचार हुँदै

स्वास्थ्यमा समस्या आएपछि प्रधानमन्त्री ओली ग्राण्डी अस्पतालमा: आईसीयूमा उपचार हुँदै

बुधबार, कात्तिक १३, २०७६ बागेश्वरी पोस्ट

काठमाण्डाै : प्रधानमन्त्री केपी शर्मा ओलीको स्वास्थ्यमा समस्या आएपछि अस्पताल लगिएको छ ।

पुरानै समस्या देखिएपछि उहाँलाई बुधबार बिहान काठमाण्डौकाे धापासीमा रहेको ग्राण्डी इन्टरनेश्नल अस्पताल पुर्‍याइएको अस्पताल स्रोतले बताएको छ । प्रधानमन्त्री ओलीलाई अहिले इन्टेन्सिभ केयर युनिट (आइसीयू) राखेर उपचार सुरु गरिएको छ । तर प्रधानमन्त्रीका प्रेस सल्लाहकार कुन्दन अर्यालले भने उहाँलाई नियमित स्वास्थ्य परीक्षणको लागि अस्पताल लगिएको दावी गर्नुभएको छ ।

१२ वर्षअघि मिर्गौला फेरिएकाले प्रधानमन्त्री ओलीले नियमित स्वास्थ्य परीक्षण गराउँदै आउनुभएको छ । स्वास्थ्यमा समस्या देखिएपछि गएको साउन अन्तिम र भदौ पहिलो हप्ता प्रधानमन्त्री ओलीले सिंंगापुरको नेशनल युनिर्भसिटी अस्पतालमा उपचार गरेर फर्किएपछि नियमित स्वास्थ्य परीक्षण गराउँदै आउनुभएको छ ।

प्रकाशित मिति: बुधबार, कात्तिक १३, २०७६ १४:२९