नेपालगन्जमा आज एकै दिन २ सय ३७ वटा स्वाब संकलन

समाचार

गृहपृष्ठ
समाचार
नेपालगन्जमा आज एकै दिन २ सय ३७ वटा स्वाब संकलन

नेपालगन्जमा आज एकै दिन २ सय ३७ वटा स्वाब संकलन

शनिबार, वैशाख २७, २०७७ बागेश्वरी पोस्ट

नेपालगन्ज । नेपालगन्जमा आज एकै दिन २ सय ३७ वटा स्वाब संकलन गरिएको छ । नेपालगन्जको टाँगा स्टेशन टोलबाट १ सय ६२ र एक्लैनीस्थित सुब्बा विरेन्द्र केसी टोलबाट ७५ वटा स्वाब संकलन गरिएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो ।

टाँगा स्टेशन टोलबाट संकलन गरिएका १ सय ६२ स्वाब आजै नेपाली सेनाको हेलिकप्टर मार्फत् परिक्षणका लागि काठमाण्डौको केन्द्रिय प्रयोगशाला पठाइएको छ । बाँकि ७५ स्वाब भने नेपालगन्जकै भेरी अस्पतालमा परिक्षण गरिने श्रेष्ठले जानकारी दिनुभयो । उहाँका अनुसार भेरी अस्पतालमा बढीमा दैनिक एक सय स्वाब मात्र परिक्षण गर्ने क्षमता भएकाले आज काठमाण्डौ पनि पठाइएको हो । संक्रमितको संख्या बढेपछि नेपालगन्जमा स्वाब संकलन तीब्र पारिएको छ ।

वडा नम्बर ८ को एउटै टोल जोल्हनपुर्वामा मात्रै २३ जना संक्रमित भेटिएका छन् भने वडा नम्बर ७ मा एक जना गरी अहिलेसम्म २४ जनामा कोरोना संक्रमण पुष्टि भएको छ । नेपालगन्जमा जनप्रतिनिधिहरुको पनि कोरोना परिक्षण सुरु गरिएको छ । कोरोना संक्रमितको संख्या बढ्दै गएको नेपालगन्जमा निरन्तर फिल्डमा खटिएर काम गर्ने जनप्रतिनिधिहरुको पनि स्वाब संकलन गरेर परिक्षण थालिएको हो ।

आज प्रदेश नम्बर ५ का सांसद मोहम्मद याकुब अन्सारी, नेपालगन्ज उपमहानगरपालिकाका मेयर डा.धवल शम्शेर राणा, उपमेयर उमा थापा मगर, कोरोना संक्रमित वडा नम्बर ८ का अध्यक्ष सुरेन्द्र गुप्ता, वडा नम्बर ११ का अध्यक्ष उज्ज्वलसिंह रठोर, १२ का अध्यक्ष बुद्धिसागर सुबेदी र १३ का अध्यक्ष विरेन्द्र बहादुर शाहको स्वाब लिइएको हो ।

प्रकाशित मिति: शनिबार, वैशाख २७, २०७७ २०:५५

प्रतिक्रिया दिनुहोस्