बाँकेको सिमा नाकामा ठुलो संख्यामा सशस्त्र प्रहरी परिचालन,कर्णाली प्रदेशबाट पनि आयो फौज

समाचार

गृहपृष्ठ
समाचार
बाँकेको सिमा नाकामा ठुलो संख्यामा सशस्त्र प्रहरी परिचालन,कर्णाली प्रदेशबाट पनि आयो फौज

बाँकेको सिमा नाकामा ठुलो संख्यामा सशस्त्र प्रहरी परिचालन,कर्णाली प्रदेशबाट पनि आयो फौज

मंगलबार, वैशाख ३०, २०७७ बागेश्वरी पोस्ट

फाइल फोटो

नेपालगञ्ज । बाँकेको सीमामा थप सशस्त्र प्रहरी परिचालन गरिँदैछ । सीमा नाकामा निगरानी बढाउँदै थप कडाई गर्न सशस्त्र प्रहरी बढाउन लागिएको हो ।

लकडाउनका बेला सीमा नाकामा सुरक्षा सतर्कता बढाउन कर्णाली प्रदेशबाट ठूलो संख्यामा सशस्त्र प्रहरीको फौज नेपालगञ्ज आइपुगेको छ। यसअघि भारतसंग जोडिएको बाँकेको ६५ किलोमिटर क्षेत्रमा १०० देखि १५० मिटरको दुरीमा सशस्त्र प्रहरी खटाएर कडाई गरिँदै आएकोमा अब थप सशस्त्र प्रहरी फौज तैनाथ गर्न लागिएको हो।

रातदिन सीमामा खटिएका सशस्त्र प्रहरीले सीमा क्षेत्रबाट हुने आवागमनलाई ठप्प बनाएका छन् । सीमा क्षेत्रमा सशस्त्र प्रहरीले गरिरहेको कामका बारेमा जिल्ला सुरक्षा समितिले पनि अनुगमन गरेको छ ।

उच्च सावधानीका साथ रातदिन खटेर काम गरिरहेको भन्दै उनीहरुको उच्च प्रशंसा गर्दै निगरानी गरिराख्न सुरक्षा समितिले निर्देशन दिएको छ ।

प्रकाशित मिति: मंगलबार, वैशाख ३०, २०७७ २०:२३

प्रतिक्रिया दिनुहोस्