बाँकेको डुडुवा गाउँपालिकामा थप ६६ जना क्वारेन्टाइनमा

समाचार

गृहपृष्ठ
समाचार
बाँकेको डुडुवा गाउँपालिकामा थप ६६ जना क्वारेन्टाइनमा

बाँकेको डुडुवा गाउँपालिकामा थप ६६ जना क्वारेन्टाइनमा

बिहीबार, जेठ १, २०७७ बागेश्वरी पोस्ट

डुडुवा(बाँके ) । बाँकेको डुडुवा गाउँपालिकामा थप ६६ जनालाई क्वारेन्टाइनमा राखिएको छ ।

भारतका विभिन्न स्थानबाट अलपत्र परेकाहरु नेपाल भारत सीमा नाकाबाट फर्किएपछि हिजो विहान ४३ जना र गएराति २३ जनालाई क्वारेन्टाइन गरिएको हो । डुडुवा गाउँपालिका वडा नम्बर ३ स्थित बनकट्टी माबिमा स्थापना गरिएको १०० वेडको क्वारेन्टाइनमा ती ब्यक्तिहरुलाई राखिएको गाउँपालिकाका प्रमुख प्रशासकीय अधिकृत प्रशुराम उपाध्यायले बताउनुभयो ।

उहाँका अनुसार विद्यालयमा स्थापना गरिएको क्वारेन्टाइनमा खानेपानी, शौचालय, स्वास्थ्य सरसफाईको व्यवस्था, साबुन, हेण्डवास, सेनीटाइजर खाना लगायतको व्यवस्था गरिएको छ । नेपाल भारतको सीमा नाकामा अलपत्र परेका नेपालीहरु फर्कर्ने क्रम बढेकाले क्वारेन्टाइनमा बस्नेहरुको संख्यामा बृद्धि भएको गाउँपालिका अध्यक्ष नरेन्द्रकुमार चौधरीले बताउनुभयो ।

सीमा नाकासंग जोडिएको गाउँपालिका भएकाले भारतबाट दैनिक रुपमा फर्कने नेपालीहरु बढेपछि गाउँपालिकामा क्वारेन्टाइनको संख्या समेत बढाउन थालिएको अध्यक्ष चौधरीले बताउनुभयो । उहाँका अनुसार क्वारेन्टाइन स्थापना तथा कोरोना संक्रमणको रोकथाम, लगायतका विषयमा रणनिति बनाउन आज दिउंँसो पालिकामा सर्बदलीय बैठक डाकिएको छ ।

बैठकले पालिकामा कति वटासम्म क्वारेन्टाइन निमार्ण गर्ने, सीमा नाकामा कडाई, चेकजाँच तथा स्थानीय तहको भुमिका लगायतका विषयमा निर्णय गर्नेछ । गाउँपालिकामा अहिले ४ स्थानमा सुविधा सम्पन्न क्वारेन्टाइन स्थापना गरिएको छ ।

प्रकाशित मिति: बिहीबार, जेठ १, २०७७ १२:५५

प्रतिक्रिया दिनुहोस्