नेपालगञ्ज उपमहानगरपालिकाद्वारा पत्रकारलाई मास्क र सेनीटाइजर सहयोग

समाचार

गृहपृष्ठ
समाचार
नेपालगञ्ज उपमहानगरपालिकाद्वारा पत्रकारलाई मास्क र सेनीटाइजर सहयोग

नेपालगञ्ज उपमहानगरपालिकाद्वारा पत्रकारलाई मास्क र सेनीटाइजर सहयोग

बिहीबार, जेठ १, २०७७ बागेश्वरी पोस्ट

नेपालगन्ज । नेपालगन्ज उपमहानगरपालिकाले बिश्वव्यापी स्वास्थ्य समस्याको रुपमा देखिएको कोरोना भाइरस (कोभिड–१९)को जोखिमका बीचमा कार्य क्षेत्रमा खटिएका पत्रकारहरुलाई स्वास्थ्य सामग्री सहयोग गरेको छ ।

आज नेपालगञ्ज उपमहानगरपालिका कार्यालयमा नगरप्रमुख डा. धवलशम्शेर राणा, उपप्रमुख उमा थापा मगर, प्रबक्ता प्रमोद रिजाल तथा प्रमुख प्रशासकीय अधिकृत ओमबहादुर खड्काले पत्रकारहरुलाई मास्क र सेनीटाइजर हस्तान्तरण गर्नुभयो । ६५ जना पत्रकारहरुलाई प्रति ब्यक्ति ५० थान सर्जिकल मास्क र दुई थान सेनीटाइजर सहयोग गरिएको हो ।

यसैगरी पत्रकारहरुलाई एनसेलको सीमकार्ड समेत उपलब्ध गराइएको छ। नेपालगञ्ज उपमहानगरपालिकाका उपप्रमुख मगरले जोखिमको बीचमा काम गरिरहेका नगर क्षेत्रका क्रियाशील पत्रकारहरुलाई स्वास्थ्य जोखिम न्यूनीकरणका लागि सामग्री सहयोग गरिएको बताउनुभयो ।

प्रकाशित मिति: बिहीबार, जेठ १, २०७७ १८:४३

प्रतिक्रिया दिनुहोस्