लकडाउनमा स्थानीयलाई रोजगार दिएर वाटरपार्क सौन्दर्यकरणको काम सुरु

समाचार

गृहपृष्ठ
समाचार
लकडाउनमा स्थानीयलाई रोजगार दिएर वाटरपार्क सौन्दर्यकरणको काम सुरु

लकडाउनमा स्थानीयलाई रोजगार दिएर वाटरपार्क सौन्दर्यकरणको काम सुरु

बिहीबार, जेठ १, २०७७ बागेश्वरी पोस्ट

नेपालगञ्ज । लकडाउनका आधारभूत मापदण्ड पालना गर्दै स्थानीय श्रमिकको प्रयोग गरी नेपालगञ्जको वाटरपार्क सौन्दर्यकरणको काम सुरु भएको छ ।

केही दिन अघि नेपालगञ्ज उपमहानगरपालिकाले लकडाउनका कारण समस्यामा परेका विपन्न समुदायका नागरिकलाई राहतको सट्टा उपभोक्ता समिति मार्फत् रोजगार दिने निर्णय गरे अनुसार वाटरपार्कमा पहिलो दिनमा ५१ जनाले काम पाएका छन् ।

नेपालगञ्ज उपमहानगरपालिका वडा नम्बर १ का अध्यक्ष प्रमोद रिजालले उपभोक्ता समिति मार्फत् स्थानीय श्रमिकलाई काम दिएर वाटरपार्कभित्रको झारपात निकाल्ने काम सुरु गरिएको जानकारी दिनुभयो ।

वाटरपार्कको आज स्थलगत अनूगमन गर्दै नगर प्रमुख डा. धवलशम्शेर राणाले नेपालगञ्जको धम्बोझीमा रहेको वाटरपार्कलाई नगरकै महत्वपूर्ण पर्यटकीय स्थलको रुपमा विकास गर्न लागिएको बताउनुभयो । अनुगमनमा वडा नम्बर १८ का वडा अध्यक्ष दिपक वर्मा, इञ्जिनियर सुरज शर्मा लगायतको सहभागिता थियो ।

प्रकाशित मिति: बिहीबार, जेठ १, २०७७ १८:५१

प्रतिक्रिया दिनुहोस्