पछिल्लो तीन दिनमा मात्रै नरैनापुरमा ४ सय ७ जना भारतबाट भित्रिए

समाचार

गृहपृष्ठ
समाचार
पछिल्लो तीन दिनमा मात्रै नरैनापुरमा ४ सय ७ जना भारतबाट भित्रिए

पछिल्लो तीन दिनमा मात्रै नरैनापुरमा ४ सय ७ जना भारतबाट भित्रिए

बिहीबार, जेठ १, २०७७ बागेश्वरी पोस्ट

नरैनापुर(बाँके) । बाँकेको नरैनापुर गाउँपालिकामा भारतबाट आएर क्वारेन्टाइनमा बस्नेको संख्या ४ सय ४१ पुगेको छ । पछिल्लो तीन दिनमा मात्रै ४ सय ७ जना भारतबाट भित्रिएका हुन् ।

३४ जना बैशाख २१ गते आएका थिए । भारतका विभिन्न सहरमा मजदुरी गर्न गएका स्थानीय सीमामा अलपत्र परेपछि गाउँपालिकाले उद्दार गरेर क्वारेन्टाइनमा राखिरहेको छ । भारतबाट आउनेको संख्या अत्याधिक बढेपछि क्वारेन्टाइन थप गरेर उनीहरुको व्यवस्थापन गरिरहेको अध्यक्ष इस्तियाक अहमद शाहले बताउनुभयो ।

अझैं आउने क्रम चलिरहेकाले उनीहरुको उचित व्यवस्थापनका लागि संघ र प्रदेश सरकारको समन्वय र सहयोग जरुरी रहेको उहाँले बताउनुभयो । स्थानीय विद्यालय र मदरसामा उनीहरुलाई व्यवस्थापन गरेर राखेको शाहले जानकारी दिनुभयो । गाउँपालिकाले बनाएको विभिन्न १० वटा क्वारेन्टाइनमा उनीहरुलाई राखिएको प्रमुख प्रशासकीय अधिकृत मणिराम खरालले बताउनुभयो ।

नेरा प्रावि महतिनियामा २४, नेरा प्रावि गेगली २५, आदर्श मावि लक्ष्मणपुर ८१, नेरा प्रावि खोदवाँ ३४, नेरा प्रावि परसरामपुर्वा ५७, नेरा कृष्णा प्रावि हुलासपुर्वा २८, जयकिसान मावि भोजपुर ६१, दिपेन्द्र प्रावि भगवानपुर ३८, मदरसा अरबिया गुलसने वारिस हुरमतुल उलुम नरैनापुर ४३ र नेरा प्रावि शंकरनगर कोटियामा ५० जना बसेको खरालले जानकारी दिनुभयो । क्वारेन्टाइनमा आएर बसेकाहरुको पिसिआर परिक्षणका लागि स्वाब पनि संकलन भइरहेको छ ।

हिजो मात्रै ४५ जनाको स्वाब संकलन गरेर भेरी अस्पतालमा परिक्षणका लागि पठाइएको स्वास्थ्य शाखा उपप्रमुख नागेन्द्र कुमार शाहले बताउनुभयो । यसअघि क्वारेन्टाइनमा बसेका १५ जनाको स्वाब परिक्षण गरिएकोमा सबैको रिपोर्ट नेगेटिभ आएको थियो ।

प्रकाशित मिति: बिहीबार, जेठ १, २०७७ १९:२८

प्रतिक्रिया दिनुहोस्