नरैनापुरका संक्रमित भारतको मुम्बई र सुरतबाट आए नेपाल

समाचार

गृहपृष्ठ
समाचार
नरैनापुरका संक्रमित भारतको मुम्बई र सुरतबाट आए नेपाल

नरैनापुरका संक्रमित भारतको मुम्बई र सुरतबाट आए नेपाल

शुक्रबार, जेठ २, २०७७ बागेश्वरी पोस्ट

नेपालगञ्ज । बाँकेको नरैनापुरमा आज कोरोना पुष्टि भएका आठै जना भारतबाट आएकाहरु रहेको नरैनापुर गाउँपालिकाले जनाएको छ ।

आज संक्रमण देखिएका नरैनापुर गाउँपालिका वडा नम्बर १, ३ र ५ का आठै जना केही दिन अघि मात्र भारतबाट आएर क्वारेन्टाइनमा बसेका हुन् ।

क्वारेन्टाइमा बसेका मध्ये बुधबार ४५ जनाको स्वाब लिएर भेरी अस्पतालमा परिक्षण गरिएको थियो । उनीहरु मध्ये ८ जनामा संक्रमण पुष्टि भएको गाउँपालिकाका अध्यक्ष इस्तियाक अहमद शाहले बताउनुभयो । बैशाख २१ गते भारतबाट आएका ३४ जना, भारतको क्वारेन्टाइनबाट भागेर आएका भनिएका वडा नम्बर ३ का एक जना र बैशाख ३० गते मुम्बईबाट आएका १० जनाको स्वाब लिइएको थियो ।

त्यस मध्ये ८ जनामा संक्रमण देखिएका हो । संक्रमित ८ जना जयकिसान मावि भोजपुर र दिपेन्द्र प्रावि भगवानपुर क्वारेन्टाइमा रहेको प्रमुख प्रशासकीय अधिकृत मणिराम खरालले बताउनुभयो ।

नेपाल भारत सीमामा अलपत्र परेका नागरिकलाई गाउँपालिकाले उद्दार गरेर क्वारेन्टाइनमा राखेको छ । हिजोसम्म मात्रै भारतबाट आएका ४ सय ४१ जनालाई क्वारेन्टाइनमा राखिएको छ ।

प्रकाशित मिति: शुक्रबार, जेठ २, २०७७ १०:११

प्रतिक्रिया दिनुहोस्