नेपालगञ्ज नाकाबाट ६ सय ८४ जनालाई ल्याइयो,१४८३ लाई भारत पठाइयो

समाचार

गृहपृष्ठ
समाचार
नेपालगञ्ज नाकाबाट ६ सय ८४ जनालाई ल्याइयो,१४८३ लाई भारत पठाइयो

नेपालगञ्ज नाकाबाट ६ सय ८४ जनालाई ल्याइयो,१४८३ लाई भारत पठाइयो

शुक्रबार, जेठ २, २०७७ बागेश्वरी पोस्ट

नेपालगञ्ज। नेपालगञ्जस्थित जमुनाहा नाकाबाट ६ सय ८४ जना नेपालीलाई भारतबाट नेपाल ल्याइएको छ ।

भारतको नानपारास्थित क्वारेन्टाइनमा रहेका समेत गरी ६ सय ८४ जनालाई नेपाल ल्याइएको बाँकेका सहायक प्रमुख जिल्ला अधिकार हरि प्याकुरेलले बताउनुभयो ।

भारतबाट आउनेहरु बाँके लगायत ४७ जिल्लाका मानिसहरु छन् । सबै जनाको सीमा नाका जमुनाहामा आरडिटी परिक्षण गरी सम्बन्धितत जिल्लामा पठाउने तयारी भइरहेको प्याकुरेलले बताउनुभयो। बाँकेका नागरिकलाई सम्बन्धित स्थानीय तहमा र अन्य जिल्लाका नागरिकलाई सम्बन्धित जिल्लामा पठाउने व्यवस्था गरिएको छ ।

उनीहरुको जमुनाहामा आरडिटी परिक्षण भइरहेको छ । परिक्षण करिब अन्तिम चरणमा पुगेको उहाँले जानकारी दिनुभयो । यस्तै १४ सय ८३ भारतीय नागरिकलाई जमुनाहा नाकाबाट भारत पठाइएको छ।

प्रकाशित मिति: शुक्रबार, जेठ २, २०७७ १२:४०

प्रतिक्रिया दिनुहोस्