राष्ट्रपतिद्वारा संयुक्त सदनमा नीति तथा कार्यक्रम प्रस्तुत [लाइभ]

राजनीति

गृहपृष्ठ
राजनीति
राष्ट्रपतिद्वारा संयुक्त सदनमा नीति तथा कार्यक्रम प्रस्तुत [लाइभ]

राष्ट्रपतिद्वारा संयुक्त सदनमा नीति तथा कार्यक्रम प्रस्तुत [लाइभ]

शुक्रबार, जेठ २, २०७७ बागेश्वरी पोस्ट

नेपालगन्ज । राष्ट्रपति विद्यादेवी भण्डारीले आगामी आर्थिक वर्षका लागि नेपाल सरकारको नीति तथा कार्यक्रम संसदमा पेस गरिरहेकी छन्। नयाँ बानेश्वरस्थित संसद भवनमा बसेको प्रतिनिधि र राष्ट्रिय सभाको संयुक्त बैठकमा राष्ट्रपतिले नीति तथा कार्यक्रम पढेर सुनाइरहेकी छन्।

राष्ट्रपति भण्डारीले गत वर्ष वैशाख २० गते नै आगामी वर्षको नीति तथा कार्यक्रम प्रस्तुत गरेकी थिइन् ।

यो वर्ष भने कोरोना भाइरसको कारण सरकारले ढिलोगरी मात्रै बजेट अधिवेशन आह्‍वान गरेकी थिइन् । सरकारले यस वर्षको नीति तथा कार्यक्रममा कोभिग-१९ को प्रभाव न्यूनीकरण र रोजगारी सिर्जना गर्ने कार्यक्रम ल्याउने बताएको छ ।

अपरान्ह ४:१० बजेबाट उनले सम्बोधन सुरु गरेकी हुन् । राष्ट्रपतिको सम्बोधनका लागि संघीय संसद्को सचिवालयले विशेष तयारी गरेको छ । राष्ट्रपतिको स्वागतका लागि सचिवालयले नयाँ बानेश्वरस्थित संसद् भवन परिसरमा पानीको फोहरा, ध्वजापताका र राष्ट्रिय झण्डा फहराउनाका साथै सुरक्षा प्रबन्ध गरेको छ । बैठकमा मन्त्रिगण, दुवै सदनका सदस्य, विशिष्ट पदाधिकारीलगायत सहभागी छन् ।