सांसद र प्रमुख जिल्ला अधिकारीबीच सम्वाद

राजनीति

गृहपृष्ठ
राजनीति
सांसद र प्रमुख जिल्ला अधिकारीबीच सम्वाद

सांसद र प्रमुख जिल्ला अधिकारीबीच सम्वाद

समन्वयात्मक भूमिका बढाउन सांसदको सुझाव

शुक्रबार, जेठ २, २०७७ बागेश्वरी पोस्ट

नेपालगञ्ज । कोरोना (कोभिड– १९) को संक्रमण देखीएसँगै बाँकेमा अनेकन चुनौतीहरु थपीदै गएपछि समन्वयतात्मक भूमिकालाई पनि बढाउदै लैजानुपर्ने आवश्यक्ता औल्याइएको छ । कोरोना रोकथाम र नियन्त्रणका लागि अनेक प्रयास गरिएपनि आपसमा प्रभावकारी समन्वयको अभाव भएपछि पछिल्लो चरण सम्वाद समूह बाँकेले सरोकार पक्षसँग नियमित सम्वाद सहजीकरण गर्दै आएको छ ।

सरोकार पक्षसँग नियमित समन्वय र सम्वाद गर्दै आएको सम्वाद समूह बाँकेको अगुवाईमा आज बाँकेमा उपलव्ध सांसदहरुले प्रमुख जिल्ला अधिकारीलाई भेट गरि कोरोना रोकथाम र नियन्त्रणका लागि सम्वाद गर्नुका साथै आवश्यक ध्यानाकर्षण गराउनु भएको छ । कोरोना संक्रमीत बढ्दै गइरहेका बेला भारतका विभिन्न स्थानबाट सयांैको संख्यामा नेपालीहरु सीमा नाकाबाट प्रवेश गरेपछि सन्त्राससँगै जोखीम र चुनौतीहरु पनि थपीएका छन् ।

बाँकेमा हालसम्म ३३ जनामा कोरोना पोजेटीभ देखीएको छ तर आम समुदायले लक डाउनको पूर्ण पालना नगरेर अटेर गरेको पाइएपछि थप जोखीम बढेको हो । प्रमुख जिल्ला अधिकारी कुमार बहादुर खडकासँग बाँकेका चार सांसदले समसामयिक सार्वजनिक सवालमा करिव एक घन्टा छलफल गरेका थिए । सांसदको सामुहिक भेटमा नेपाल भारत सीमा नाकामा भीत्रीने नेपाली, उद्धार र पुनस्थापना, कोरोना परिक्षणको दायरा र थप प्रभावकारिता, क्वारेन्टाइन व्यवस्थापन र आपसी समन्वयात्मक सहकार्यका विषयमा अन्तरक्रियात्मक सम्वाद गरिएको समूहका सहजकर्ता शुक्रऋषि चौलागाईले जानकारी दिनु भयो । सांसदहरुले स्थानीय प्रशासनले सरोकार पक्षसँग प्रभावकारी समन्वय र आवश्यक निर्देशन दिन नसकेका कारण लक डाउन कार्यान्वयन लगायतमा समस्या देखीएको अवस्था दर्शाएका थिए भने प्रमुख जिल्ला अधिकारी खड्काले आवश्यक्ताअनुसार निर्देशन दिइएपनि कतीपय पक्ष सम्वेदनशिल र जिम्मेवार नदेखीएको तर्क पेश गर्नु भएको थियो । कोरोना रोकथाम र नियन्त्रणका लागि आफुहरुले हर सम्भाव प्रयास गरेको भन्दै सांसदहरुले आवश्यक समन्वय र सहकार्यका लागि थप प्रतिवद्धता समेत व्यक्त गरेका छन् ।

प्रदेश सभा सदस्य आइपी खरेलले पहिचान गरिसकिएका कोरोना जोखीम स्थानमा परिक्षणको दायरा बढाइनु पर्ने आवश्यक्ता औल्याँउदै थप सहज बातावरणका लागि सम्वाद समूहको सहयोग लिन सुझाव दिनु भयो । सीमामा अझैं नेपालीहरु भित्रीने प्रवल सम्भावना रहेको भन्दै सांसद खरेलले सम्भावित सम्पूर्ण तयारीका लागि पनि प्रमुख जिल्ला अधिकारी खडकाको ध्यानाकर्षण गराउनु भयो । प्रदेश सभा सदस्य एवं सम्वाद समूह सदस्य कृष्णा केसी९नमूना०ले क्वारेन्टाईनलाई थप व्यवस्थित गर्नु पर्नेमा जोड दिदै काखा र पाखाको व्यवहार गरिएको गुनासो आएको भन्दै थप अनुगमन बढाइनु पर्ने आवश्यक्ता औल्याउनु भयो । प्रदेश सभा सदस्य विजय बहादुर यादवले स्थानीय प्रशासनलाई अभिभावकीय जिम्मेवारी अनुसार सशक्त भूमिका निर्वाह गर्न खुम्चीन नहुने सुझाव दिनु भयो ।

प्रदेश सभा सदस्य मो याकुव अन्सारीले कोरोना परिक्षणको दायरा बढाउदा आउन सक्ने अफ्ठयारोलाई सबैको सहयोगमा चिर्न सक्नु पर्ने बताउनु भयो । सम्वाद समूह सदस्य एवं मानवअधिकार संगठन बाँकेका सभापति प्रहलाद बहादुर कार्कीले जिम्मेवार निकाय र व्यक्ती विषम परिस्थतीमा आफनो कानूनी अधिकार र जिम्मेवारीबाट पञ्छिन नहुने बताउनु भयो ।

बाँकेका सांसदहरुले भेरी अष्पतालमा पीसीआर स्थापना, कीट लगायत स्वास्थ्य सामाग्री उपलव्धता लगायतका विषयमा भूमिका निर्वाह गर्दै आइरहनु भएकोे छ । सम्वाद समूह बाँकेले राजनीतिक दल, स्थानीय प्रशासन, स्थानीय सरकार लगायत सरोकारवालासँग नियमित सम्वाद गर्दै आएको छ ।

प्रकाशित मिति: शुक्रबार, जेठ २, २०७७ २१:१३

प्रतिक्रिया दिनुहोस्