नरैनापुरको क्वारेन्टाइनमा बसेका एक युवकको मृत्यु

समाचार

गृहपृष्ठ
समाचार
नरैनापुरको क्वारेन्टाइनमा बसेका एक युवकको मृत्यु

नरैनापुरको क्वारेन्टाइनमा बसेका एक युवकको मृत्यु

आइतबार, जेठ ४, २०७७ बागेश्वरी पोस्ट

नेपालगञ्ज । बाँकेको नरैनापुर गाउँपालिकाको एक क्वारेन्टाइनमा बसेका २५ बर्षीय युवकको मृत्यु भएको छ ।

बैशाख ३० गते भारतको मुम्बईबाट आएर वडा नम्बर ५ भगवानपुरस्थित दिपेन्द्र प्राविमा बनाइएको क्वारेन्टाइनमा बसेका वडा नम्बर ५ नयाँ बस्तीका ती युवकको आज विहान पौने ७ बजेतिर मृत्यु भएको प्रमुख प्रशासकीय अधिकृत मणिराम खरालले बताउनुभयो । उनीसहित त्यस क्वारेन्टाइनमा बसेका ३९ जनाको हिजो स्वाब संकलन गरेर पिसिआर परिक्षणका लागि भेरी अस्पताल नेपालगञ्ज ल्याइएको छ । हिजो यो सहित अन्य तीन क्वारेन्टाइनबाट २ सय ६३ स्वाब संकलन गरिएको थियो ।

रिपोर्टपछि मात्रै मृत्युको कारण थाहा हुने स्वास्थ्य शाखा उपप्रमुख नागेन्द्र कुमार शाहले बताउनुभयो । उहाँका अनुसार ती युवाले राति एक्कासी उल्टी गरेका थिए । विहान एम्बुलेन्स आउँदा आउँदै उनको मृत्यु भएको शाहले जानकारी दिनुभयो ।

स्वास्थ्य कार्यालय बाँकेका कोरोना फोकल पर्सन नरेश श्रेष्ठले उनको स्वाब भेरी अस्पतालमा परिक्षणकै क्रममा रहेकाले रिपोर्ट आएपछि मात्र मृत्युको कारण एकिन हुने बताउनुभयो । नेपालगञ्जबाट स्वास्थ्य र सुरक्षाको टोली नरैनापुर गएको छ ।

यसअघि उक्त क्वारेन्टाइनमा बसेका ६ जनामा कोरोना देखिएको थियो । उनीहरुको दाङको बेलझुण्डीस्थित कोरोना विशेष अस्पतालमा उपचार भइरहेको छ ।

प्रकाशित मिति: आइतबार, जेठ ४, २०७७ ०९:३४