राप्तीसोनारी- ८को राहत वितरण तेस्रो चरणमा,२५० ले पाए राहत

समाचार

गृहपृष्ठ
समाचार
राप्तीसोनारी- ८को राहत वितरण तेस्रो चरणमा,२५० ले पाए राहत

राप्तीसोनारी- ८को राहत वितरण तेस्रो चरणमा,२५० ले पाए राहत

मंगलबार, जेठ ६, २०७७ बागेश्वरी पोस्ट

शम्शेरगन्ज( बाँके ) । राप्तीसोनारी गाउँपालिकाको वडा नम्बर ८ ले राहत वितरण कार्यलाई तिब्रता दिएको छ।

लकडाउन थपिएसगै वडाले तेस्रो चरणको राहत वितरण गरेको वडा अध्यक्ष खुम बहादुर बस्नेतले बताए। वडा भित्र पर्ने ७ वटा टोलका अति बिपन्न परिवारलाई तेस्रो पटक राहत वितरण गरिएको अध्यक्ष बस्नेतले भने।

अध्यक्ष बस्नेतका अनुसार अति बिपन्न २५० घरधुरीलाई राहत वितरण गरिएको हो। अति बिपन्न बर्गलाई दिदै आएको राहत भने बिपन्न बर्गका परिवारलाई समेत आबश्यकता हेरेर राहत वितरण गरिएको बस्नेतले बताए।

त्यस्तै वडा नम्बर ८ ले अहिले सम्म कोरोना नियन्त्रण तथा सुरक्षाफौजलाई सुबिधा दिएको गाडी लगायत गरि ८ लाखको राहत वितरण गरिसकेको अध्यक्ष बस्नेतले जानकारी दिएका छन् । राप्तीसोनारी गाउँपलिकाले क्विक रेस्पोन्स टिम बनाएर राहत वितरण गरिरहेको छ।

त्यस्तै लकडाउनमा बिपन्न परिवार भोकै बस्नु नपरोस् भनेर त्यस्ता परिवारलाई तेसो पटक राहत दिएको कार्यपालिका सदस्य नैना कुमारी खत्रीले जानकारी दिइन।

प्रकाशित मिति: मंगलबार, जेठ ६, २०७७ १५:५७

प्रतिक्रिया दिनुहोस्