जेठ २ गते मुम्बईबाट आएका थिए नरैनापुर र खजुराका संक्रमित

समाचार

गृहपृष्ठ
समाचार
जेठ २ गते मुम्बईबाट आएका थिए नरैनापुर र खजुराका संक्रमित

जेठ २ गते मुम्बईबाट आएका थिए नरैनापुर र खजुराका संक्रमित

बुधबार, जेठ ७, २०७७ बागेश्वरी पोस्ट

नेपालगञ्ज, । बाँकेको नरैनापुर र खजुरा गाउँपालिकामा आज संक्रमण पुष्टि भएका ६ जनै पुरुष भारतको मुम्बईबाट जेठ २ गते आएका हुन् ।

जेठ २ गते राति नरैनापुरकै नाका भएर वडा नम्बर ५ मोतिपुरस्थित नमुना प्राविमा बनाइएको क्वारेन्टाइमा आएर बसेका ९६ जना मध्ये ५ जनामा संक्रमण पुष्टि भएको स्वास्थ्य शाखा उपप्रमुख नागेन्द्र कुमार शाहले जानकारी दिनुभयो ।

उनीहरुको सोमबार स्वाब लिएर भेरी अस्पतालमा आज परिक्षण गरिएको हो । संक्रमित पाँचै जना नरैनापुर गाउँपालिकाको वडा नम्बर ५ का १७, २०, २८, ३० र ४० बर्षका पुरुष हुन् । उनीहरुलाई एम्बुलेन्समा राखेर नेपालगञ्जतर्फ ल्याइएको प्राथमिक स्वास्थ्य केन्द्र लक्ष्मणपुरका हेल्थ असिष्टेन्ट नवीन बुढा क्षेत्रीले जानकारी दिनुभयो ।

त्यस्तै खजुरा गाउँपालिकामा पहिलोपटक भेटिएका संक्रमित व्यक्ति स्थानीय प्रशासनले जमुनाहा नाकाबाट जेठ २ गते नेपाल भित्र्याएका झण्डै ७ सय मानिसहरुसंगै आएका हुन् । उनी खजुरा गाउँपालिकाले वडा नम्बर ५ बसन्तपुरमा बनाएको क्वारेन्टाइनमा बसेका व्यक्ति हुन् ।

वडा नम्बर ५ उढरापुरका उनीसंगै त्यस क्वारेन्टाइनमा ६ जना बसेका छन् । तीन दिन अघि उनीसहित ३ जनाको स्वाब लिइएकोमा उनको पोजिटिभ आएको हो ।

प्रकाशित मिति: बुधबार, जेठ ७, २०७७ १७:५६

प्रतिक्रिया दिनुहोस्