सिमामा अलपत्र राप्तीसोनारीका ५६ जनाको उद्दार

समाचार

गृहपृष्ठ
समाचार
सिमामा अलपत्र राप्तीसोनारीका ५६ जनाको उद्दार

सिमामा अलपत्र राप्तीसोनारीका ५६ जनाको उद्दार

बिहीबार, जेठ ८, २०७७ बागेश्वरी पोस्ट

वडा अध्यक्ष खुम बहादुर बस्नेतसहित उद्दार गरिएका स्थानियहरु

नेपालगन्ज । भारतबाट आएर नेपालगन्ज रुपइडिहा सिमा नाकामा अलपत्र परेका सयौं नेपालीहरुको उद्दार गरिएको छ।

राप्तीसोनारी गाउँपालिकाका ५६ जना स्थानीयहरुलाई बुधबार राती सिमा नाकाबाट वडा नम्बर ८ का अध्यक्ष खुम बहादुर बस्नेतको पहलमा शम्शेरगन्ज क्वारेन्टाइनमा ल्याइएको छ।

भारतमा रोजगारी गर्दै आउदा कोरोना महामारी सगै लकडाउनले झनै समस्यामा परेपछि उनिहरु नेपाल फर्किएका हुन् । तर, आएर पनि ५ दिन सम्म सिमामा अलपत्र परेकाहरुलाई अथक प्रयास पछि मात्र नेपाल भित्र्याउन सफल भएको राप्तीसोनारी गाउँपालिका वडा नम्बर ८ का अध्यक्ष खुम बहादुर बस्नेले जानकारी दिएका छन् ।

महामारीबाट बच्न घर आउँदा पनि प्रशासनले ढिलै भएपनि नेपाल भित्रिन दिई सहयोग गरेकोमा अध्यक्ष बस्नेतले आभार व्यक्त गरेका छन् ।अहिले राप्तीसोनारीमा वडा नम्बर ७ मा ४८ ,वडा नम्बर ५ मा ५ जना र वडा नम्बर ८ शम्शेरगन्ज क्वारेन्टाइनमा ४ जनालाई राखिएको छ ।अध्यक्ष बस्नेतका अनुसार बुधबार राती ल्याइएका ५६ जना मध्ये २७ जनालाई शम्शेरगन्ज क्वारेन्टाइन तथा ५ जनालाई ढकेरीमा र बाकी वडा नम्बर ७ को क्वारेन्टाइनमा पठाइएको छ। त्यस्तै शम्शेरगन्ज क्वारेन्टाइनमा रहेका २७ मध्ये ९ जनालाई वडा नम्बर २ मा पठाइने भएको छ।

वडा नम्बर ७ को क्वारेन्टाइनमा रहेका सबै नरैनापुरको बाटो भएर आएका हुनाले तत्काल पिसीआर परिक्षण गर्न र अरु सबै क्वारेन्टाइनमा रहेकाहरुपनि भारतबाट आएको हुनाले उच्च जोखिमबाट बच्न सबैको परिक्षण गरिदिन अध्यक्ष बस्नेतले माग समेत गरेका छन् ।

प्रकाशित मिति: बिहीबार, जेठ ८, २०७७ ०६:५३