कपिलवस्तुमा दुई जना पत्रकारलाई कोरोना संक्रमण

समाचार

गृहपृष्ठ
समाचार
कपिलवस्तुमा दुई जना पत्रकारलाई कोरोना संक्रमण

कपिलवस्तुमा दुई जना पत्रकारलाई कोरोना संक्रमण

शुक्रबार, जेठ ९, २०७७ बागेश्वरी पोस्ट

कपिलवस्तु । कपिलवस्तुमा आज कोरोना संक्रमण पुष्टि भएका ९ जनामध्ये दुई जना पत्रकार रहेको पाइएको छ । दुईजना मध्ये एकजना कपिलबस्तु नगरपालिका वडा नं ३ तौलिहवाका २९ वर्षका र अर्का वाणगंगा नगरपालिका वडा नं ८ का २४ वर्षका पुरुष हुन् ।एकजना पत्रकार महासंघ कपिलवस्तुका कार्यसमिति सदस्य समेत हुन् । उनले स्थानीयस्तरबाट एक अनलाइन सञ्चार माध्यम सञ्चालन गर्दै आएका थिए । एकजना बाणगंगा नगरपालिका चार नम्बरस्थित बुद्ध आवाज टेलिभिजनका सञ्चारकर्मी हुन् । दुबै पत्रकारको स्वास्थ्य अवस्था सामान्य रहेको र स्वास्थ्यकर्मीहरु उनीहरुको सम्पर्कमा पुगिसकेका पत्रकार महासंघ कपिलवस्तुका अध्यक्ष डिला भुसालले बताए । यो संगै कपिलवस्तुमा कोरोना संक्रमितको संख्या ६९ जना पुगेको छ ।

प्रकाशित मिति: शुक्रबार, जेठ ९, २०७७ १०:३८

प्रतिक्रिया दिनुहोस्